新劇「蜘蛛精」上身 陳庭欣裸住同千嬅攤牌

❮

❯

　　前晚首播的無線新劇《多功能老婆》，立即引起話題，由壯男黃浩然出浴拉開序幕，之後講到勾引千嬅老公黃浩然的「蜘蛛精」陳庭欣在日本溫泉，除低件浴袍同「正印」千嬅赤裸相對攤牌，鏡頭前千嬅只輕露膊頭，但有32.5C、22.5、34 fit爆身形的陳庭欣，就大露背到Pat Pat位置，仲有長腿大特寫鏡頭，超級索爆，相當吸睛！

　　而且呢段戲對白仲好到肉抵死，「最強小三」陳庭欣對千嬅講：「我未生過BB，生肖又細你一個圈，點都優勝過你，你以為你老公係唐三藏，蜘蛛精埋身會冇嘢呀？」此情此景，當然令不少觀眾睇得肉緊啦！