首頁 日報娛樂

發哥甜言蜜語誘行山 江美儀熟女變緊緻索女

06/12/2019
■江美儀行咗山後,個人變得紅粉緋緋,神采飛揚。
■江美儀行咗山後,個人變得紅粉緋緋,神采飛揚。 (1/7)

  現年48歲,啱啱拎咗TVB長期服務獎十年老人金牌嘅江美儀愈變愈後生,身材仲fit到爆。江美儀一臉滿足多謝周潤發:「全靠佢用甜言蜜語嚟鼓勵我行山,發哥叫我keep好啲,第時同佢合作,做戲中女主角呀。」有張咁大期票,發哥成功向美儀「放毒」,o依家行山漸漸成為美儀嘅嗜好。採訪:方騫平

  江美儀一直提不起興趣行山,直至受朋輩影響,見方平、鮑姐(鮑起靜)等跑完後身體好咗好多才嘗試。經用心苦練,進步神速,才掹車邊進階發哥領軍的高級組:「發哥成日鼓勵我跑多啲,放鬆啲!咁樣會令身體健康啲!佢好好,好識o氹人開心,同我打氣,佢同我講:『以前合作嘅女星個個結晒婚生晒仔,唔做呢行喇,咁我出嚟拍戲都要搵女主角㗎,咁你就啱我喇,但如果你唔Keep,咁我一路後生落去,相反,你就會變老,咁第時你就要做我阿媽㗎喎,所以你都要keep住做運動呀!』」因為發哥把口實在太勁,江美儀的起心肝去行山。

同前夫有聯絡

  對於行山感覺,江美儀狂讚,「自從行咗山之後的確冇晒水腫,個人結實同精神咗好多,o依家好似上咗癮咁,每周好期待呢日來臨,每次跑完山發哥都會請埋我哋班隊員去食飯,有時佢仲會帶埋私人教練嚟指導大家,發哥為我哋健康着想,出錢出力,又可聯誼,咁都唔做就太蠢喇!」不經不覺江美儀喺電視行業22年,前期喺亞視屬起步階段,直至近10年過檔TVB打拼,今年正式轉咗一年一show新合約,主力向外搵真銀。回想當年向亞視祼辭並無後路,好谷底,幸得當時姑奶吳君如幫手穿針引線過檔無線,跟住得到黃金10年。問她可感唏噓?美儀話冇,仲話同吳君如及前夫吳君祥都有Keep住聯絡。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd