首頁 日報娛樂

友誼小姐果然好識Social 陳熙蕊吹水表情好鬼誇

10/12/2019
■陳熙蕊呢個樣好卡通,好好笑。
■陳熙蕊呢個樣好卡通,好好笑。 (1/8)

  陳熙蕊(Blossom),今年26歲,係今屆港姐嘅友誼小姐,無印象唔緊要,佢已跟TVB簽約,未來應該不時會喺TVB見到佢。日前傍晚6點,家住銅鑼灣百德新街嘅陳熙蕊約咗兩位今屆落選港姐去屋企附近食Cake,吹水講笑講足兩粒鐘,友誼小姐果然好識Social,全程勁多表情,表情仲好鬼浮誇,o氹到兩位朋友好開心。採訪:梁志明

  陳熙蕊喺比賽中算突出,佢先憑出色口才獲得港姐限量珍藏迷你版后冠及權杖,然後再奪得「友誼小姐」名銜。事前曾被睇好入三甲,連上屆港姐冠軍陳曉華都睇好佢,話佢好可愛又好有自信,最後得個友誼小姐獎,唔緊要啦,贏到友誼咪仲珍貴,有錢都買唔到呀。

咁多表情會唔會易有紋

  當晚六點,陳熙蕊同朋友喺百德新街嘅Lady M食蛋糕,三人選坐室外位,三個女人一坐埋就傾到停唔到,陳熙蕊發言量都好多,仲要係一講嘢就好興奮好多動作,有時舉手有時會繞住女友人隻手,最爆笑係佢啲表情,非常誇張,不時乸埋一嚿,堪稱彈弓面,好適合做綜藝節目。快樂吹水兩粒鐘,由陳熙蕊請客,走前三人自拍,影一張唔滿意再影,離開時三人平排而行繼續傾,好多嘢講。

其他文章
hd