首頁 日報娛樂

盡失港姐儀態 王愛倫唔梳頭又當街剔牙

16/12/2019
■王愛倫行IKEA時,不停用條脷剔牙。
■王愛倫行IKEA時,不停用條脷剔牙。 (1/7)

  前港姐王愛倫﹙Ellen)一向予人端莊高貴形象,惟早前本報就見到她好「哩啡」,素顏兼頂住一頭亂髮落銅鑼灣IKEA行街,其間仲不顧儀態不停用條脷剔牙,真係跟大家認知「美貌與智慧並重」的香港小姐好大落差!之後等的士等到冇表情的Ellen,氣場之大更震懾埋街上的小妹妹,認真嚇人!採訪:梁志明

  王愛倫兩個囝囝林建億及林建龍都出晒身,平日除了積極參與慧妍雅集的活動外,得閒便約一班閨密飯敍,好似10月中,她就跟陳法蓉和岑杏賢一起慶生,當時合照一Po上社交網,三人即獲大家讚是「氣質美人」!不過,日前發現Ellen一個人在銅鑼灣IKEA買嘢,有別以往的端莊Look,身穿Sharp blue外套襯白Tee的她無化妝,頭髮又亂又蓬鬆,猶如未瞓醒一樣。

  其間,Ellen推住架車仔兩頭擰,未知是否剛食飽飯呢?雖然她已經53歲,但佢其實Keep得幾好,不過話晒都係85年港姐季軍,居然旁若無人地當眾用條脷剔牙,仲要剔咗一陣,認真唔多雅觀!行到時鐘部,Ellen拎起一個黃色鬧鐘及一個白色掛牆鐘研究,最終揀定白色嗰款的她離開時仍心大心細,不時回頭望,買埋佢囉又唔係貴。之後畀完錢,Ellen戴番頂帽便匆匆行去百德新街等的士,無奈等車的人都不少,企喺條龍中間的她見等極未有車,就好心急地不停睇錶,左顧右盼,剛好右邊有個得意妹,Ellen就一路目及實對方,未知是否其「殺氣」太重,小妹妹全程不敢跟她對望,仲攬到個工人姐姐實一實!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd