首頁 日報娛樂

跟未來外父學做生意 E-kids Alan一腳踢賣老火湯

10/01/2020
■林詠倫開老火湯店,組合E-kids隊友郁禮賢(Tim)及張立基到賀。
■林詠倫開老火湯店,組合E-kids隊友郁禮賢(Tim)及張立基到賀。 (1/6)

  組合E-kids成員林詠倫(Alan)努力跟未來外父學做飲食生意,最新動作係跟未來老婆的家人一齊投資外賣老火湯店,由揸咪轉揸湯勺,Alan形容係人生一個重大挑戰,一切由零開始。

採訪:方騫平

  林詠倫的老火湯店開業當天,隊友Tim和張立基挺身力撐,Tim仲已改《開始戀愛》歌詞贈慶,加入冬菇、花膠等食材入歌詞內,相當搞笑。Alan話Tommy做咗大忙人嚟唔到,但會屈他買湯券支持吓。Tim見到兄弟有新的開始都戥他開心:「尤其o依家我哋呢個層面係難搵食嘅,除非可以做到陳奕迅、容祖兒咁收入穩定,如果只靠出show錢真係好大件事,自己都試過好冇錢嘅日子。我哋可以唔放棄娛樂圈,但要喺出面建立事業,要多方面發展。」

由零開始學起

  雖然喺飲食生意上只係做「學徒」,但Alan形容新店開幕時開心得似做新郎哥一樣:「跳得舞多手腳都會勞損,所以向經營跳舞學校的Tim取經學吓做生意,對我都係個挑戰,由解凍、買料、斬雞、落料,甚至送外賣都要做。初時壓力好大,怕唔知醒起身,o依家一早五點半起身學煲兩款湯,以前五點半都未瞓啦,尤其未做過煮飯嘅人好吃力,試過燙到手指起水泡都唔知,以為係畀花膠黏住手指呀!但煲到足料靚湯好有成功感,女友最開心,因為以前我好似少爺仔咁,o依家變身暖男。」他又強調只係小股東,經濟上唔使靠外父。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd