首頁 日報娛樂

難忘大灑金錢又被淋屎 黃智賢樂做《黃金》二世祖

10/01/2020
■Ben稱演二世祖,有好多難忘戲份。
■Ben稱演二世祖,有好多難忘戲份。 (1/6)

  黃智賢(Ben)最近在新劇《黃金有罪》演富二代「唐昊峰」,他笑言難得可演二世祖,雖然角色經歷不少起跌,不過亦有好多難忘戲份,譬如去夜總會玩向天大灑金錢,以及在後巷俾人淋屎;而相隔26年再跟張兆輝合作,感覺依然親切。講到鼠年願望除了身體健康,他笑言希望屋企3隻寶貝狗狗,唔好再周圍便便。撰文:杜淑霞 攝影:李維隆 髮型:Willie Chan@hair culture

  以往Ben多演基層角色,好少做有錢人,「今次呢個唐家二少,完全係個二世祖嚟,如果順景本來係冇乜缺點,但係佢EQ真係好低,逆境時問題就出現,除咗要同曾航生演嘅阿哥爭身家,仲因為娶咗陳自瑤演嘅老婆,令Lily姐(梁舜燕)演嘅阿媽好唔鍾意,佢一生都好大起跌㗎!」講到難忘戲份,Ben說:「我未試去夜總會玩,仲好豪咁向天係咁掉錢,雖然係道具,但感覺真係好正,仲有就係喺後巷俾人淋屎,嗰日排到最後拍,拍完個個收得工,得番服裝姐姐等我沖身。」

望三個寶貝乖

  Ben好開心今次跟張兆輝93年合作《武尊少林》後再度合作,「套劇係我拍嘅第一套劇,嗰時輝哥已經做主角,嗰時因為要去河南少林寺外景,大家一齊出埠感情真係好啲㗎!不過,我哋之後都冇正式合作過,但係再合作感覺得好舒服,輝哥仲話同我拍嘢夾啲,可能大家都係老一輩嘅人啦!」而踏入2020年兼話咁快到鼠年,快將拍完劇集《逆天奇案》的Ben,打算同老婆去外地度假休息,而講到新年願望,他笑說:「身體健康最重要,舊年播嗰3套劇都OK,希望今年再好啲,同埋希望屋企三個寶貝女(愛犬)唔好再周圍便便啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd