首頁 日報娛樂

63歲仲係好型 劉天蘭教授級試眼影

10/01/2020
■劉天蘭「聞」眼影嘅動作好搞笑。
■劉天蘭「聞」眼影嘅動作好搞笑。 (1/7)

  有「香港時裝教母」之稱的劉天蘭(Tina),不單止出名穿搭有品味,年屆63的她對化妝亦好有研究,仲好鬼講究O添!早前,她獨自到中環SEPHORA買化妝品,其間於一個眼影專架駐足30分鐘,仲試色試到好似想哄落個鼻度「聞」咁款,非常仔細,最終使咗唔夠200蚊便掃走兩盒Eyeshadow。採訪:李維隆

  剛於元旦踏入63歲的劉天蘭,廿歲獲選溫哥華華埠小姐冠軍,曾擔任Model、化妝師,又做過雜誌編輯、形象及服裝指導,故即使已經6字頭,但都仍然好潮、好識打扮、近年仲積極做運動養生,難怪睇落同35歲歌手女兒岑寧兒十足姊妹咁,Keep得勁好!

專注揀化妝品

  早前又聖誕又除夕倒數,咁多Party要去,當然要Shopping採購一下至新妝品,將自己扮到有咁靚得咁靚啦!日前,Tina到中環IFC的SEPHORA行街,一頭招牌短髮加粗框眼鏡的她,穿上米白色長褸襯藍衫、黑褲,在一群淑女中顯得份外型格!一入到舖頭,Tina目標都好明確,直接殺去SEPHORA專櫃,她先翹晒手勁專注地Scan個貨架,冇耐終於Target到Eyeshadow一欄,仲逐隻色捽埋上手試O添,之但係……做乜無啦啦係咁聞隻搽咗眼影嘅手呢?原來只係想擺近塊面再照鏡試真啲啫!

  Tina果然係一個好精明的消費者,就算眼影只售70蚊都絕不馬虎,精挑細選15分鐘,以為畀完錢就走得啦,點知Tina心大心細又走番轉頭,再Loop一次剛才揀色的過程,結果擾攘多15分鐘,最終一共掃了2盒眼影,200蚊都唔使,抵到爛呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd