首頁 日報娛樂

進擊的打女 楊柳青街頭摸男友調情

10/01/2020
■戴住黑色口罩的楊柳青和老外男友及長輩同行。
■戴住黑色口罩的楊柳青和老外男友及長輩同行。 (1/7)

  「新一代打女」32歲楊柳青(Wiyona)唔止打得,仲有樣有身材,32B配Fit爆身形啱啱好。曾經同唐文龍傳緋聞嘅Wiyona最近轉咗口味,情傾老外,繼之前Set晒頭、化行妝兼着白色貼身Top,一身進擊Look喺街頭激咀老外後,日前再喺銅鑼灣見兩人蹤影,Wiyona對老外男友流晒口水,講講吓嘢都忍唔住伸手摸向男友,睇男友個冧樣,都被Wiyona熱情融化了。採訪:梁志明

  早前楊柳青在TVB劇集《解決師》飾演性感女秘書Tracy,一場大露背出浴戲加三點式色誘戲,睇到猛男心郁郁。Wiyona打起嚟好威猛,原來對住男友一樣進取。

男友冧到爆

  日前傍晚六時多,楊柳青和老外男友及一位女性長輩在銅鑼灣三人行,帶住黑色口罩的楊柳青忙住打電話幫長輩call車,最搞鬼係,趁住講電話嗰分幾鐘,楊柳青都出擊喪摸男友膊頭、手仔,男友見楊柳青咁Hot,即以心心眼回應,絕對冧到爆。摸完一輪,Wiyona好似撻着咗一樣,講完電話仲手舞足蹈,表情多多,好鬼生猛。

  其後兩人送長輩上車,原來老外愛屋及烏,一直幫長輩狽住袋嘢,相當有風度。待長輩坐車離開後,兩人回復二人世界,楊柳青便陪男友「呼吸」一吓,見她馬上除下口罩,情深款款對住男友,唔通又想上演街頭擁吻part 2?

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd