首頁 日報娛樂

生命倒數 停止中西醫癌症治療 姜紫藍為李明蔚 影最後寫真

11/01/2020
抱狗合照
■Sarena抱住可愛小狗,呢張相好有愛。
抱狗合照 ■Sarena抱住可愛小狗,呢張相好有愛。(1/10)

        

現年30歲的李明蔚(Sarena)患上罕見的鼻咽腺樣囊性癌,抗癌8年多,先後接受電療、化療令她痛不欲生。最近Sarena再冒險接受跟進治療手術,無奈效果唔理想,導致右眼完全失去功能,且不能再說話。目前她停止一切中西醫治療,生命每天在倒數中。作為攝影師兼李明蔚好友的姜紫藍(Color),為幫Sarena留下最後美好嘅倩影,日前為她拍了一輯以天使為主題的靚相,相中的Sarena由重病病人變身甜美fantasy少女。Sarena對作品都相當滿意,姜紫藍滿足表示:「能夠令一個咁辛苦過日子嘅病人有一日嘅歡愉,經已係做咗件好事喇。」採訪:方騫平

圖片攝影:colorkeung

化妝:Rex LG

鳴謝:Jason、Man及Wesley

        姜紫藍和李明蔚情如姊妹,原來前者16歲時曾患過白血病,一度冇晒頭髮,所以對Sarena感同身受,明白抗癌鬥士的堅毅及痛苦,亦會特別照顧Sarena,之前李明蔚在她鼓勵下出自傳《被選中的女主角》派發正能量,封面、封底相都係由Color操刀攝影,馬浚偉則負責排版,她憶述說:「嗰次佢好興奮咁睇相,張張相都好鍾意,邊揀邊話『正正』,最後佢選咗兩張白色同黑色相做封面及封底,希望喺顏色上有強烈對比。」

影相有難度

  最近Color搬新居,面對白色為主調的家居,Color忽發奇想要搵個天使嚟影輯寫真,而Sarena正好是Color心中的天使:「為咗撮成好事,身邊朋友及家人都一呼百應,壯丁出錢又出力幫手,sponsor靚衫、汽球、化妝,而弟弟就負責接送等。」因為明蔚病情轉差,影相有難度,Color強調唔想影到佢有病容。「其實佢o依家除咗講唔到嘢,唔可以直接表達外,右眼眼球會不停咁轉動,而且眼、鼻、口不停流口水、膿水、眼水及鼻涕。化妝師要好細心咁幫佢化眼妝,逐小逐小幫佢黐眼睫毛。我就邊拍邊幫佢抹分泌物,我媽咪就從旁遞上紙巾同埋垃圾膠袋。因為我都係重病過來人,唔會怕污糟邋遢。」

輸血後發燒

  Color透露拍攝當日明蔚心情興奮,狀態大勇,不停大擺甫士,加埋汽球、鞦韆、粉紅羽毛等道具配合,拍出預期效果。「好彩我出名係攝影快槍手,腦海早有storyboard,尤其要盡量避重就輕,避過右眼眼珠及面癱位置,所以快手快腳喺兩個鐘頭內完成。明蔚最like做咗甜美少女,盪住粉紅鞦韆好浪漫,好有少女味。」不過,Color愈講愈Sad,指Sarena影完相後因為血小板過低再入院輸咗兩包血,輸血後再發高燒,生命垂危。「因為癌細胞影響到李明蔚呼吸、吞嚥及眼部活動,Sarena長期食唔到嘢,要打碎食物,細細塊慢慢吞,相當辛苦,而且患處會劇痛。o依家佢停止一切中西醫治療,採取紓緩療法,長期Keep住輸血續命,現階段對Sarena嚟講,每日都係賺番嚟,佢再冇未了願。」記者傳短訊向李明蔚了解病情,她簡短回應表示:「好點了,休息中,明天去驗血。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd