首頁 日報娛樂

帶妻女齊赴新西蘭拍MV 陳柏宇興奮阿女無扭計

13/01/2020
■陳柏宇一家三口出Trip,工作之餘仲有機會去睇小動物。
■陳柏宇一家三口出Trip,工作之餘仲有機會去睇小動物。 (1/6)

  陳柏宇(Jason)早前為拍新歌MV遠赴新西蘭取景,仲帶埋太太符曉薇(Leanne)和女兒Abigail同行,雖然往來拍攝地點舟車勞動,但囡囡都完全冇扭計,事關Jason好識做,一有空檔即帶愛女去踏青、睇動物,樂在其中的他都話出Trip有「囡」陪好開心!採訪:黎寶倫



  陳柏宇去年底推出新專輯《Anyone But Jason》,唱片公司更大手筆讓Jason與團隊遠赴新西蘭10天,為新歌《本能寺》、《最後一個收費亭》拍MV,其中大隊仲去到激流島的亂石崗、Owhanake Coastal及Orapui Road等地取景,能夠一睹大自然美景,首次去新西蘭的Jason固然興奮,但都不及太太符曉薇和女兒Abigail能夠同行咁開心!

  由於今次拍攝地點路途遙遠,拍攝團隊每日都要一早出發,其間搭車又搭船,來回都要4粒鐘,幸有一大班哥哥姐姐陪玩,Abigail也沒有扭計,Jason笑謂:「雖然今次長途跋涉,但因為長期都好熱鬧,囡囡每日返到屋企即刻瞓,所以一啲都冇扭計,正!」他又自爆除了頭三日行程較緊密外,其餘時間都好Relax,一家三口仲有機會去踏青、睇小動物,「好少出Trip拍嘢係咁『他條』,我哋成日都有得瞓晏覺,同埋好多時間去玩,我哋仲去咗睇羊同馬,個女都玩得好開心!」

  難得景色優美,Jason亦充當攝影師為妻女影相,惜他經常捕捉別人的「NG Look」,今次仲連手指都「亂入」,Leanne都忍不住寸爆:「陳生攝影技術又高咗。」見當中有些相很有專業水準,問他是否親自操刀?

  Jason即避談笑道:「有時老婆影,有時我影囉,其實o依家電話科技好好,就算本身影得唔係好靚,只要有部電話就幫到手,有電話就無敵㗎喇!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd