首頁 日報娛樂

再拍《家有囍事》o氹港人開心 黃百鳴讚張智霖有「哥哥」影子

17/01/2020
■黃百鳴話橋唔怕舊,最緊要係受,所以結尾都會保留返「齊歡唱」。
■黃百鳴話橋唔怕舊,最緊要係受,所以結尾都會保留返「齊歡唱」。 (1/6)

  1992年由黃百鳴監製的《家有囍事》屬港產賀歲經典,當年由黃百鳴、張國榮及周星馳飾演三兄弟,而《家有囍事2020》中,黃百鳴找來張智霖和張繼聰頂上,百鳴哥唔怕被指「食老本」,反而令人懷緬過去,他說:「o依家社會好需要有歡樂嘅電影,尤其過年,一家大細應該入戲院開心同輕鬆吓。」他更強調,套戲百份百用香港演員、香港取景,香港的故事,係為o依家嘅香港而寫,大家都好啱睇。採訪:方騫平 場地:Studio King影樓王



  面對多套賀歲片如黃子華、劉心悠的《乜代宗師》;甄子丹、毛舜筠的《肥龍過江》及彭于晏的《緊急救援》等,黃百鳴稱信心一定有,「否則喺《家有囍事2009》後,唔會相隔11年再拍。其實市道唔好,觀眾更加需要歡樂,過年大家都應該放低執着,一家人入戲院開心吓,因為開心會令到個人靚,同埋長壽健康。」他強調,《家有囍事2020》係部百份百港產片,入面有好多貼地笑料,並加入千術、賭術、魔術,周秀娜與陳靜由性感女神變身「老千姊妹花」,仲有喜劇演員如羅家英、苑瓊丹、詹瑞文及林敏驄等助陣加強笑位。

身兼數職慳資金

  今次百鳴哥身兼幾職,做埋監製、導演、編劇及主演,他表示一啲都唔辛苦,親自操刀反而唔會拖長時間拍,因而資金比預算中低,大家拍得又享受:「因為《家有囍事》系列必定有三兄弟,其中會有個靚仔,當年搵咗張國榮,現代版係ChiLam,雖然佢唔係演開喜劇,但好有哥哥影子;至於阿聰係新一代喜劇演員,好搞笑。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd