首頁 日報娛樂

《大醬園》首做男一無壓力 何廣沛攞正牌同朱晨麗談情

17/01/2020
■何廣沛話 :「唔可以講o依家人氣旺,只係戲份一步步增加咗啫。」好謙虛。
■何廣沛話 :「唔可以講o依家人氣旺,只係戲份一步步增加咗啫。」好謙虛。 (1/6)

  何廣沛(Matthew)演出的《黃金有罪》及首做男一嘅《大醬園》疊住出街,後者更和緋聞女友朱晨麗(朱朱)由歡喜冤家演到變夫妻,奉旨談情;而《黃金有罪》則愈拍愈灰,他帶笑投訴:「以往喺劇入面係愛情長勝將軍,女角會主動媾我,今次爭女神陳瀅輸咗畀洪永城,仲冇埋事業要自殺,真係好黑暗,唯一希望一死會感動到觀眾,好似張彥博喺《跳躍生命線》嘅「雄姐」咁爆紅啦。」採訪:方騫平 服裝:MYND



  何廣沛形容自己喺《黃》劇中只係一名小配角,不過算係幾有發揮:「劇入面我係演正直警察,後期同恩師張兆輝關係決裂,爭陳瀅又唔夠洪永城爭,事業愛情都雙失。以前拍劇都被安排有條好靚嘅感情線,演嘅又係平步青雲角色,從未試過咁兜踎,好彩最後監製王心慰都可憐我,唔使我輸晒咁慘,畀返個靚女丁樂鍶我,同陳瀅比較,兩人各有各靚啦,陳瀅好男仔頭,不過佢嘅靚係公認㗎啦,所以我唔會再讚佢,有陳家樂讚就得嘞,(留返嚟讚朱朱?)哈!朱朱都好多人讚!」

最鍾意鬧朱朱

  雖然同時間有兩劇出街,但何廣沛仍然對收視好有信心:「據過往劇集紀錄,我都係收視福將,好有劇運,演過嘅《親親我好媽》、《超時空男臣》、《跳躍生命線》同《白色強人》收視都係頭3位,而且《大醬園》係民初大劇,有好多資深演員分擔,相對冇咁大風險,首做男一唔會有好大壓力。最開心可以攞正牌同朱朱鬧交,我鍾意鬧佢咪鬧佢囉,唔使負責任,幾爽呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd