首頁 日報娛樂

陳豪夫婦朱千雪賀牛一 劉倩婷生日願望再為李丞責添子女

20/01/2020
■陳豪夫婦賀劉倩婷牛一,兩家人一齊食法國菜。
■陳豪夫婦賀劉倩婷牛一,兩家人一齊食法國菜。(1/5)

        本月24日為李丞責博士太太劉倩婷(Sandy)的34歲牛一,因為撞正年三十晚,一班老友如陳豪夫婦、朱千雪及岑杏賢提早跟Sandy賀壽。問到索媽的生日願望,佢話開心和平同健康最緊要,另亦希望快四歲的囡囡李仟辰開心,開心方法之一就是為她添個細佬或細妹。Sandy笑言,「考慮中,要問老公先,但佢呢期好忙,仲未覆我。」麻煩李博士睇到呢篇報道就盡快覆一覆李太啦!撰文:廖思慧

        年三十晚加牛一,Sandy話本來要做Live節目,但好彩可以錄影先,所以有時間同家人食飯之餘仲可以同朋友一齊慶祝,「等囡囡瞓咗可以同朋友玩吓啦!」

  問到李博士有否透露少少買咗咩生日禮物?Sandy表示有時間食餐飯已經好好,唔好嘥錢。之後恨追B的她還笑言,「希望佢可以送份禮物畀個女。」Sandy表示以前一直是「一Child會長」,但囡囡慢慢大就開始動搖,心諗係咪可以追多個。

  提到老友陳豪夫婦、朱千雪及岑杏賢跟她食生日飯,Sandy非常開心。「我無刻意提自己生日,連fb都無寫生日日期,但好Close嘅朋友會記得我生日,一齊切蛋糕。」問到有否收到特別嘅生日禮物,Sandy即說,「其實佢哋肯抽時間同我食飯已經係一份好珍貴嘅禮物。」Sandy特別提到陳茵媺,「佢囡囡同我囡囡出生爭一個月,所以我哋經常一家人見面,過年都會去佢屋企拜年,Aimee係一個好有心思嘅人,見到佢好開心。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd