首頁 日報娛樂

動作演員口飯唔易食 毛舜筠張繼聰認冇本事賺

23/01/2020
■毛姐和阿聰話新年同家人一齊過已好開心,亦希望大家新一年個個身體健康。
■毛姐和阿聰話新年同家人一齊過已好開心,亦希望大家新一年個個身體健康。 (1/6)

  毛舜筠和張繼聰有份演出賀歲片《肥龍過江》,雖然今次同甄子丹合作,兩人都笑言做較輕鬆的角色,就是負責搞笑,毛姐仲自爆自己冇可能食動作演員這行飯,一個簡單跌低動作都搞唔掂;阿聰亦好佩服動作片演員同武師,絕對是搵命搏。講到新年願望,兩人只想身體健康,因有健康身體才可以做鍾意做的事。 撰文:杜淑霞 攝影:李維隆 髮型:Domanic Tao(毛舜筠)、 Jobbylee@Leighton Aveda(張繼聰) 化妝:Jane Lin(毛舜筠) PinkyKu(張繼聰)

服裝:Marella(毛舜筠)、 Brunello Cucinelli(張繼聰) 場地:富薈旺角酒店

  戲中毛姐和阿聰分別飾演火鍋店老闆娘和警察高層黃Sir,對於首度跟王晶做一對,毛姐笑言:「有幾多一個鏡頭好長嘅戲,我哋電視台出身,反而覺得好過癮,但係子丹會提晶哥,『你陣間醒定啲唔好甩,你對手係毛姐。』不過其實個劇本晶哥有份寫,點會唔熟㗎!」

  講到同甄子丹合作不用打,阿聰睇見對方拍都覺得好震撼,「我哋開頭有場大型飛車追逐戲,我睇佢哋打,真係見識到點拍動作戲,現場睇仲震撼,幾開心,普通人覺得會死㗎喎!佢哋好似食生菜咁,仲會嫌唔夠勁,真係好拼搏,所以香港動作電影咁出名。」毛姐亦認同,更自爆完全食唔到呢口飯,「每次要我講完對白,掂一掂我跌落地,就算跌嗰個範圍好大墊晒嘢,但我好叻,永遠飛咗出界搞到傷晒。」

  談到新年願望,阿聰只望身體健康,可以好好陪住小朋友成長。毛姐更以過來人身份認為假期陪子女時間是最佳投資,永遠唔會蝕,「我個大女都24歲,問返佢邊個假期最鍾意,個個都話鍾意,原來對佢哋成長係咁重要,o依家我哋係收成期,佢哋安排返旅行啲嘢。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd