首頁 日報娛樂

李靖筠鼠年想進修 陳家樂望再遇好角色

24/01/2020
■家樂和Gladys合作得好愉快,仲約定新年互相拜年。
■家樂和Gladys合作得好愉快,仲約定新年互相拜年。 (1/7)

  陳家樂和李靖筠(Gladys)兩人首度合作的《我的筍盤男友》成為賀歲片,兩人都認為是最佳新年禮物,家樂更會包場,請嫲嫲出山去睇。回顧豬年,家樂和Gladys都認為是豐收一年,家樂拍了多套電影,仲有機會唱電影主題曲;Gladys亦覺得是超額完成的一年。展望鼠年,兩人首要身體健康,家樂仲希望再有角色令觀眾難忘;Gladys就想學習更多裝備好自己。

  上年做樂壇新人的Gladys,亦好滿意自己豬年表現,「真係豐收嘅一年,誤打誤撞成為歌手,成績都算唔錯,大家對我唱歌冇反感,又拍咗賀歲片同前輩級嘅人馬合作,豬年真係超額完成,我自己都冇期望可以咁豐收。」至於家樂除了拍了多部電影外,最難忘要算為《我》片跟 Gladys合唱主題曲,「呢首係我認真入錄音室錄第一首歌,好難唱打擊咗我自信,因為音域好闊,有隻字太低音我錄咗過100次,真係想衝出去鬧人,不過錄完覺得自己唱歌係進步咗。」

  講到鼠年期望,Gladys坦承一向不會定太多目標,不想給自己太多壓力,「最想吸收多啲新嘢,我自己比較貪心,咩都好想學,譬如:功夫、跳舞同語言咁。」而家樂首要是身體健康,「豬年尾自己身體唔係咁好,由聖誕感冒到1月中都未好,跟住又氣管有事同皮膚敏感,希望鼠年會好啲啦!另外,我o依家同個導演構思緊個講追夢嘅故仔,好熱血嘅,個題材比較冷門,希望搵到人投資。(拜年時問老闆?)係喎!新年冇咁易拒絕人。仲有,就係想再遇到個令觀眾記住嘅好角色,其實我唔介意大家唔記得我真名,叫我角色名仲窩心㗎!」

撰文:杜淑霞 攝影:李維隆 髮型:kenrickSiu(家樂)、Haffman Cheng @Hair Coner(Gladys) 化妝:khaki yan(家樂)、Haffman Cheng @Hair Coner(Gladys) 服裝:kent & curwen(家樂)、Cocktail(Gladys) 場地:英皇鐘錶珠寶中環旗艦店

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd