首頁 日報娛樂

近兩年頻「中箭」學乖咗 吳業坤唔敢再口花撩女仔

10/02/2020
■坤哥要搣甩龔嘉欣口中「媾女王」稱號。
■坤哥要搣甩龔嘉欣口中「媾女王」稱號。(1/7)

        吳業坤於無線新劇《大醬園》中和朱晨麗、江嘉敏有感情線,但民初劇只可以摸吓手仔。對於被拍檔龔嘉欣取笑他係「媾女王」,問到係咪要搣甩「媾女王」呢個講法,所以今次拍劇零緋聞?坤哥大笑說:「龔嘉欣好衰㗎,係咪都笑我㗎啦,其實係因為過去兩年多口咗,中箭多咗,所以係我學識乖,知道好多說話唔可以亂講啫。」

《大醬園》中吳業坤同何廣沛傻更更一齊做醬油,他形容似自己做歌手一樣,既老實又踏實,喺擅長及鍾意嘅領域下去打出一片天,最開心除了跟一班年輕演員朱晨麗、江嘉敏、龔嘉欣、何廣沛等打成一片外,又可以喺前輩吳岱融、龔慈恩及康華等身上學演戲,令內心戲有進步,得益良多。提到龔嘉欣同朱朱傳不和,問他可會做和事老?他卻扮傻說:「表面上又唔覺佢哋有乜不和,都好奇怪點解會咁傳呢!可能龔嘉欣網上發文不滿有人耍大牌,講緊嗰個人係我呢!」

少說話做實事

  之前坤哥曾口花花撩過前輩薛家燕及田蕊妮,又話想追家燕姐大女珊珊(石祐珊),坤哥保證,未來兩年會少說話多做事,唔會再咁多口。笑問他係咪畀家燕姐鬧得多?他即避談:「好多傳媒及前輩都好錫我,話我知有時唔使太將自己赤祼祼,就算係玩,但人哋當真,講咗嘅嘢係收唔返嘅,過往兩年多口咗,中箭多咗,呢兩年試吓乖乖哋,唔好出咁多聲,做好自己事先,等他朝有一日話畀大家知,其實我只係搞氣氛,等大家唔好誤會我。」

採訪:方騫平 服裝:Calvin Klein

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd