首頁 日報娛樂

低調湊女少曝光 50歲江希文罕見師奶Look

11/02/2020
■雖然戴咗口罩,但一眼就認到江希文。
■雖然戴咗口罩,但一眼就認到江希文。(1/6)

        2015年,江希文曝光率好高,因為當年佢同資深大律師胡漢清分手,女方聲稱被家暴,男方反稱被人用刀柄傷腰,兩人還因女兒的撫養權及生活費鬧上家事法庭。隔日互爆大鑊,反轉豬肚,精采過電視劇。隔咗四年多,江希文靜晒,一年都無一次帶就嚟7歲嘅囡囡Natalie出席公開活動。日前下午,戴咗頭箍同口罩,着Legging嘅江希文去銅鑼灣一間藥房買BB用嘅洗頭水,買完就上咗附近一棟大廈,重點係已50歲嘅佢唔算太走樣,係下身有啲肥肉,算係咁咯。

江希文同胡漢清糾纏五年,12年兩人相識一個月即閃電訂婚,翌年江希文為胡漢清未婚生女,15年,兩人感情決裂,分手後更反面收場。當時江希文母女仍住在胡家沙宣道大宅,更為女兒的生活費和撫養權對簿公堂,有傳江希文要求每月20萬元生活費。17年,兩人又有恩怨,有報道指胡漢清到警署報案,聲稱舊愛江希文涉妨礙司法公正,由港島總區重案組負責調查,暫時未有人被捕,報道指事件疑涉及兩人分手後安排。後續如何?點搵都搵唔到。

買防敏感洗頭水

  自始之後江希文變得低調,偶然出席公開活動,18年曾為《流行經典50年》擔任嘉賓,佢仲話成十年無上過舞台,係呀,佢歌手出身,1993年出第一隻碟,歌手嚟㗎。唔唱歌唔拍戲,但江希文都好忙,因為佢要湊女,囡囡Natalie話咁快就嚟7歲。當日就見到一身師奶Look的江希文戴晒口罩去藥房買小朋友用品,唔會敏感嘅洗頭水,買完即走無睇過有無口罩賣,應該屋企收埋好多,買完就行去景隆街再上咗一棟大廈,找數其間見到江希文着住嘅Legging下有一雙肉腿,感覺都幾厚肉。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd