首頁 日報娛樂

帶兩女陪老婆返鄉過年 何猷啟返港「無罩」與友聚會

13/02/2020
■一行八人食意大利菜,何猷啟同老婆貼住坐。
■一行八人食意大利菜,何猷啟同老婆貼住坐。 (1/7)

  新冠肺炎(前稱武漢肺炎)疫情日漸加劇,食物及衛生局長陳肇始仲話未來兩星期是抗疫的關鍵期,強烈勸喻戲院及卡拉OK等娛樂場所暫停營業,亦避免打麻將及聚會,以減低病毒人傳人的風險。本周日下午,賭王何鴻燊三太陳婉珍的兒子何猷啟同老婆GiGi及一班朋友去淺水灣食Tea,食嘢梗係唔戴口罩,但何生食完嘢都冇戴返,翻查資料,佢同老婆及兩個女一家四口返過內地過年,佢話唔係去武漢,去邊唔講,去咗幾多日唔講,有無自我隔離唔知,咦,咁樣呀。採訪︰張詠森、譚壹致

  賭王何鴻燊家族去年好多喜事,子女相繼結婚生仔,開枝散葉。包括去年2月,三房兒子何猷啟自爆已跟女友在外國秘婚,其後再爆出已為人父,並於4月承認已有一個11月大的囡囡Tittania;10月再誕下二女Tylia,兩年抱兩,生產力相當強。

兩公婆疑似有拗撬

  過年前,何猷啟曾到醫院探望賭王,當時佢表示新年會陪太太返內地拜年,仲會帶埋小朋友去,對於武漢爆發肺炎,佢就話:「我哋唔係去嗰區。」問到幾時出發,佢話唔講喇。本周日下晝四點半,見到何生同老婆及朋友一行八人去咗淺水灣食意大利菜,眾人食得好開心,無口罩情況下有講有笑,貼住老婆坐嘅何生發言量都幾多,食咗個幾鐘埋單,眾人步行往露天停車場,由餐廳去停車場十幾分鐘,同老婆行到離行離迾嘅何生無戴口罩,話晒內地返嚟喎。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd