首頁 日報娛樂

樂瞳姜文杰盼鼠年圓夢 李璨琛望為囡囡出寫真行善

14/02/2020
■講到泰國拍攝趣事,Sam、樂瞳和Benji說是遇到吉祥物,Sam說:「係隻蜥蜴嚟,泰國周圍都有,我哋一開機佢就會叫,但尾句係『得嘅』,好似幫緊我哋打氣咁,當咗係套戲嘅吉祥物。」
■講到泰國拍攝趣事,Sam、樂瞳和Benji說是遇到吉祥物,Sam說:「係隻蜥蜴嚟,泰國周圍都有,我哋一開機佢就會叫,但尾句係『得嘅』,好似幫緊我哋打氣咁,當咗係套戲嘅吉祥物。」(1/8)

        李璨琛(Sam)跟樂瞳和姜文杰(Benji)去年首度合作新戲《大盜演》,雖然是他們初次正式合作,但全程在泰國曼谷取景氣氛特別愉快,令豬年過得更圓滿。展望鼠年,Sam除了想實踐導演夢外,更想靠囡囡元元(Lucy)人氣行善幫助有需要的人;而樂瞳就想圓老闆夢搞網上美容生意;至於Benji就想圓音樂夢製作歌舞電影。

身為《大盜演》監製的Sam希望觀眾鍾意之餘,唔好當純笑片去睇,「留意番我哋拍呢部戲嘅初心,其實係部好勵志嘅電影嚟。」作為執行監製的Benji亦好認同,「雖然係喜劇,但係我哋拍得好認真,每個角色代表住不同崗位嘅辛酸,有血有淚嘅故事。」樂瞳認為同業睇完會特別有共鳴。

  回顧豬年,Sam覺得相當充實,至於鼠年更加計劃多多,「豬年工作量唔係太多,Lucy呢個年紀可以陪住佢成長,又可以集中搞呢套戲,啱啱好。(囡囡風頭勁過你喎?)冇我呢個爸爸點會有呢個女,我好樂意幫大家揸機集郵,佢帶到畀大家歡樂我都好開心,所以有構思鼠年同佢出本相集(樂瞳:你操刀?)我太太操刀,加埋我太太抵死嘅caption,或者出攬枕,但賣到嘅錢唔會扣除開支,自己都做到善事,好有意義。公司仲有一兩個計劃構思當中,音樂做主導嘅戲交畀Benji主理,另一套戲自己想做導演嘅《香港製造2020》內容同題材構思當中。」

  樂瞳豬年過得順利,期望鼠年達成做老闆心願,「新一年目標開間美容網店,大家話我keep得幾好,就同大家分享啲護膚品,仲有同酒有關生意計劃。」有份為該片搞埋配樂的Benji,仲想搞到部歌舞片,「電影呈現到你嘅音樂,幫助到畫面同觀眾溝通,係一個全新領域,嚟緊幾年我會花時間努力做好,歌舞劇係夢想嚟,幾時實現都唔緊要。」

撰文:杜淑霞 攝影:李權威 場地:Cubus

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd