首頁 日報娛樂

一家人陪個女買手錶 許紹雄好忙係咁覆Msg

19/02/2020
■一家四口難得齊齊在港就一齊行街。
■一家四口難得齊齊在港就一齊行街。 (1/7)

  1971年參加第一期無線電視藝員訓練班入行嘅許紹雄「Benz雄」原來已經71歲,因為不斷有作品面世,個樣又無老態,頭髮仲幾濃密,所以估唔到已7字頭,難怪男士健康產品商咁鍾意搵佢做代言人。之前見到許氏一家四口現身ifc,因為細女許惠菁(Charmaine)要買錶,一家人就陪佢去apple store買,從而發現「Benz雄」都幾忙,係咁覆Msg,同埋佢老花應該唔太嚴重,睇手機唔使拉到隻手好遠咁望,厲害呀。採訪:張詠森



  去年中,有匿名者向傳媒爆料,指一名叫「許紹雄」嘅人懷疑使用WeChat向一名女子發送情慾對話,當中言詞露骨及附有一張男性下體照片,許紹雄事後解釋俾人整蠱,擔心聲譽受損,自認「有心無力」嘅佢更大呻:「感覺好似俾人強姦咗!」

  傳聞嘅嘢好快無事,去年尾許紹雄就同結婚27年嘅老婆出席細女許惠菁(Charmaine)嘅大學畢業禮,囡囡以一級榮譽畢業非常叻女。早已在新加坡用2,300萬港幣買入4000呎6房獨立屋嘅「Benz雄」計劃在當地定居,而囡囡亦會在新加坡發展事業。農曆年後,許紹雄一家四口難得在港,一家人現身ifc,目的係陪個女去買錶,不過,陪唔代表要幫手揀,許紹雄喺舖頭一直撳電話,無乜畀意見,話咁快買完,然後一行四人隨意行咗一陣就離開,沿途一家人唔多嘢講,一家之主就一直好忙咁撳電話,So Busy。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd