首頁 日報娛樂

無悔出道全裸拍三級片 麥芷誼只望做個好演員

22/02/2020
■擁有5呎7、40多吋長腿的麥芷誼,雖然不是標準靚女,但型格十足。
■擁有5呎7、40多吋長腿的麥芷誼,雖然不是標準靚女,但型格十足。(1/6)

        麥芷誼繼初出道電影《同班同學》後,最近再跟導演陸以心合作《Baby復仇記》,雖然上次是女主角,今次只屬配角,但她並不介意角色輕重,仲話同一班演員合作得好開心。對於15年全裸演三級片成名作《同班同學》,回想這個決定她依然冇後悔,更不會羨慕兩位拍檔廖子妤和郭奕芯發展比自己好,只望向好演員之路邁進。

今次在電影《Baby復仇記》,麥芷誼飾演陳靜的三個閨密之一,是位BB用品的售貨員,雖然戲份唔算多,但她一樣拍得開心,「我哋幾個演閨密嘅女仔,DaDa(陳靜)、余香凝同王敏奕大家好夾,好容易投入到,大家拍完都變咗好朋友。」但上次跟導演合作《同班同學》時,她是女主角,今次則是配角,她就絕對唔介意,「真係無所謂,冇話邊個角色重要啲。」

唔羨慕拍檔

  不過入行4年,麥芷誼坦言經歷過低潮期,「嗰時拍完《同班同學》,有好長日子唔係咁多工作,好在我自己性格都算樂觀,同埋自己唔會覺得演員身份唔可以做其他嘢,我本身讀時裝設計,一路都有幫朋友賣衫幫補吓收入,而且屋企人都好支持我繼續追夢。」

  她特別多謝媽咪,由當年在《同班同學》全裸演出,到今日依然力撐,令她冇後悔當日決定,「o依家再諗番,我都會咁樣做,因為機會真係好難得,同埋對演員嚟講,身體只係表演嘅一部份,想做個好演員就要豁出去。」對於同戲拍檔廖子妤和郭奕芯都先後簽約大公司,在圈中發展不俗,剛跟前經理人公司約滿的她未有羨慕,「每個人嘅路都唔同,作為好朋友我會好戥佢哋開心,我哋大家都有互相鼓勵,希望將來大家都會發展得更好。」

採訪:杜淑霞 髮型:Ming Leung@Chillworks Hair Studio 服裝:FlossyxFlossy 場地:HIVVY

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd