首頁 日報娛樂

約友飲香檳短聚 王賢誌跟同性伴侶神同步

25/02/2020
■一班人聚會,Vinci同Kevin傾傾吓偈齊齊托頭。
■一班人聚會,Vinci同Kevin傾傾吓偈齊齊托頭。 (1/7)

  王賢誌(Vinci)跟同性伴侶Kevin結婚3年半,關係依然好好,經常一齊出席公開活動。日前周六晚,Vinci同Kevin約咗三個男性好友喺銅鑼灣百德新街飲香檳吹水,Vinci同另一半貼住坐,前者好多嘢講,後者負責聽,間中兩人會做埋同一動作,例如托頭,好夾。採訪︰梁志明

  2016年8月,Vinci跟相戀七年、任職咖啡師的男友Kevin在加拿大溫哥華註冊結婚,是首位公開承認與同性結婚的香港男藝人,獲不少圈中人讚賞敢愛敢做。兩人之後經常齊齊出席活動,包括婚姻平權協會發佈會,曾經係前東華三院主席的王賢誌獲「銅紫荊星章」,Kevin亦有陪伴出席。

Vinci都幾心思細密

  當日晚上六時,Vinci一行五人去咗百德新街一間餐廳短聚,叫咗香檳同小食,眾人邊食邊傾,食得唔多,但香檳就不斷飲,Vinci都幾多嘢講,Kevin就聽嘅多,無乜搭咀,其間Vinci曾經行出街講電話,眾人快聚一個鐘就離開,一踏出餐廳,眾人即戴回口罩,唔知係咪Kevin啲牙黐住咗嘢,見佢除口罩係咁用手指撩牙,防疫意識差咗啲喎!Vinci同一男友人行先,Kevin緊隨,行咗一陣,Vinci自覺冷落咗Kevin即放慢腳步等埋另一半,然後搭住佢膊頭繼續行。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd