首頁 日報娛樂

被插網紅轉拍TVB旅遊節目 Ming仔避談是非低調做事

07/03/2020
■Ming仔稱平時鍾意自己去旅行,但今次有攝製隊同行亦幫輕他不少。
■Ming仔稱平時鍾意自己去旅行,但今次有攝製隊同行亦幫輕他不少。(1/7)

        網絡紅人Ming仔(梁嘉銘)首度為無線旅遊節目《一個人去旅行》擔任主持,有別以往自家製的YouTube短片,今趟旅程多了一班攝製隊幫手,令他能夠專注做好主持工作外,亦能深度暢遊英倫三島。Ming仔早前曾因「捐帛金」風波被網民圍插,對此,他僅稱適當的時候會再交代,目前會低調地做嘢。撰文:黎寶倫 攝影:張詠森

        Ming仔主持的《一個人去旅行》已於周一(2日)首播,一向有拍旅遊短片放在YouTube的他,此趟首次深度遊北愛爾蘭、蘇格蘭和英格蘭,為大家介紹當地美食、景點及新玩意,當中,他更初嘗射箭、射飛碟、揸電動車等。談到平時喜歡單拖出Trip,去年9月跟女友Debbie結婚的Ming仔,自爆夫婦倆至今仍無暇度蜜月,未知太太見到他經常周圍去可有嬲呢?他笑謂:「間中都會俾說話我聽,但人之常情,我都會買嘢番嚟o氹吓佢嘅。」

提臭史即封嘴

  提到去年「捐帛金」風波,不少網民發起「罷睇Ming仔」行動,問可擔心影響收視?Ming仔尷尬避談:「唔講喇,大家都冇興趣了解,我留番適當嘅時候先講啦。(擔心講多錯多?)o依家社會好多事發生,我估大家唔會對一個咁小嘅風波有興趣。」見他已少玩社交平台,問是否打算轉型影視圈?Ming仔說:「我依然會玩社交平台,但呢段時間選擇低調地做嘢先,近排都喺網絡影片上做緊啲新嘗試,學緊Animation、Programming。(工作量受影響?)我工作模式一向都唔會受外圍影響,一係做Job,冇Job就自己拍片、剪片,所以點都有工作。」

其他文章
hd