首頁 日報娛樂

轉型獨立歌手一腳踢 何雁詩多得鄭俊弘做後盾

21/03/2020
■Step話《致有夢想的人》除了提醒追夢者要保留初心,同時亦喚醒了自己。
■Step話《致有夢想的人》除了提醒追夢者要保留初心,同時亦喚醒了自己。 (1/7)

  入行10年,何雁詩(Stephanie暱稱Step)早前宣佈約滿唱片公司轉為獨立歌手,雖跟TVB仍有經理人約,但她自資出歌,由製作、傾版權到拍MV都要一腳踢籌劃,不過Step反而好享受這種新挑戰,正如她的新歌《致有夢想的人》一樣,追夢過程若缺了勇氣和傻勁好難堅持,加上除了父母外,更有未來老公鄭俊弘成為她最強後盾,令她更有信心向前衝。撰文:杜淑霞 攝影:李維隆

髮型:Green Cheung @ AdmiX hair styling        服裝:Topshop        場地:Cosmos

  何雁詩認為在舊東家得到好多,譬如唱劇集《不懂撒嬌的女人》主題曲《我不會撒嬌》有過100萬點擊率,又有兩、三首大家耳熟能詳的歌,所以去到這階段好想有新挑戰令自己進步,決定約滿後轉做獨立歌手,「我唔會話o依家比起有唱片公司特別好,只係喺呢個過程學到嘅嘢多好多。」

媽咪生日派台

  轉型後頭炮新歌《致有夢想的人》,Step除自資6位數,還要一手包辦製作,所有嘢親自去傾,「自己同公司傾版權,佢叫我畀個BR(商業登記)佢,我話我冇公司,佢就叫我畀身份證登記,所以呢首歌係跟我條命走,感覺幾得意。」而今次她邀請了Cousin Fung度身訂造《致》歌,「我哋識咗好耐一直冇正式合作過,我寫咗呢個歌名畀佢,佢一個星期度就寫好晒首歌錄埋Demo,媽咪聽咗話好好聽,叫我一定要出,所以我揀咗媽咪生日派台。」

  Step坦承這段追夢路途,除了一直得到父母無限量支持,現在更多了未來老公鄭俊弘,「因為佢係傻㗎喎!問佢咩都話好嘅,好聽呀!咁樣某程度多個支持,我可以唔需要擔心咁多,因為我知道,我問咩佢都話好。其實我哋互相係對方強心針,我哋嘅關係係應該咁嘅。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd