首頁 日報娛樂

生意受重創求減租 陳潔玲陳偉成教做防疫操

21/03/2020
■陳潔玲(右)早前向陳偉成請教,學做「防疫操」。
■陳潔玲(右)早前向陳偉成請教,學做「防疫操」。 (1/7)

  全城「閉關」減低染病風險,人稱「翻版陳妍希」的陳潔玲(Christy)和陳偉成(Avis)就向讀者教授簡單的「防疫操」,讓大家宅在家中也能Keep Fit及增強心肺功能,對抗肺炎!談到各自生意都面臨危機,Christy指投資的兩間Party Room收入是零,她說:「以前瞇埋眼啲錢就會自己嚟,o依家每日擘大眼都諗辦法搵錢!」經營髮廊及健身室的Avis亦盼業主能減租,共渡時艱。撰文:黎寶倫 攝影:張詠森 場地:Wow Fitness

  拍攝當日,Avis示範了一Set四式的高強度間歇運動,指每個動作做30秒,招式之間唞15秒,一Set反覆做3至4次。

叫苦連天

  起初,成個月冇郁的Christy都做得好輕鬆,還笑謂:「可以一路睇電視一路做,幾好喎!」但做到第二式,她開始喘氣兼講唔到嘢,見Christy速度減慢,Avis即亢奮叫加速,跳到髻都甩的Christy趁機停低唞一唞;到最後一式高抬腿,她直頭表情都冇晒,跳了10秒便問:「幾多秒呀?」Avis答完唔夠1秒,女方竟再問多次!做到氣來氣喘的Christy表示:「成個人暢通晒!」Avis表示戴住口罩健身,效果會更顯著,「因吸少咗氧氣,再做帶氧運動,就更鍛煉到心肺功能,但冇做開運動可能會暈。」

  Christy提到投資兩間分別位於觀塘及牛頭角的Party Room,自農曆新年起暫停營業,零生意額更面臨倒閉危機,她說:「o依家好積極咁同業主傾,希望得出一個大家都OK嘅方案,共渡時艱。(仲有幾多積蓄撐住?)唔係話有幾多去捱,係值唔值得,始終唔可以無止境咁投資,但呢個係我心血,如果冇咗,會唔開心。」剛宣佈做準爸爸的Avis,擁5間髮型屋及3間健身室,他謂這兩個月是史無前例的低收入,生意額已跌至兩成,幸遇上兩位好業主願意減至4、5成租金,Christy即大歎羨慕:「我講到流牙血先減1、2千咋!」問政府派錢予中小企能否舒緩困境?Avis說:「其實佢派唔到幾多,幫唔到我哋,規定啲業主減租仲好,一起共渡難關。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd