首頁 日報娛樂

初次捧爸爸場煲劇 黃浩然爆囝囝迷上扮法證

23/03/2020
■浩然覺得《法證》有好成績,台前幕後都付出好大努力。
■浩然覺得《法證》有好成績,台前幕後都付出好大努力。 (1/6)

  黃浩然最近首度參與《法證》系列演出,在《法證先鋒IV》中飾演高級化驗師「高安」,該劇keep住有高收視,浩然覺得在疫情下帶給觀眾娛樂也覺安慰。原來這套劇亦是浩然兩個囝囝,8歲多的Kayden和6歲多的Ransley,第一次捧爸爸場煲劇,浩然仲自爆兩個仔已變《法證》粉絲,不但嫌每集太短,甚至會扮埋法證人員,相當搞笑。

撰文:杜淑霞 攝影:梁志明 髮型:DY@Muse

  劇集首周7天跨平台總收視35.7點,浩然最開心在疫情下幫到大家解悶,「最開心可以倍伴到香港巿民喺疫情裏面有啲娛樂同放鬆嘅機會。」講到首次跟鄭希怡合作,浩然竟然話因太熟有點影響,「我哋識咗好耐,但係正式合作係第一次,初頭都要搣甩望住佢笑㗎!因為真係太熟啦!都冇諗過點同佢演情侶。」幸好出來效果,浩然都覺滿意。

  疫情下,浩然自爆兩個囝囝首度有機會捧爸爸場,「其實今次係兩小朋友第一次睇我嘅演出,咁耐冇乜睇過我嘅演出,今次《法證》兩個小朋友冇返學個幾月啦!要做功課、要放嘅電都做晒,佢哋就提議不如捧爸爸嘅場啦!不過有啲畫面同情節唔係太適合佢哋睇,我就同佢哋講明,唔啱睇嘅佢哋要瞌埋眼㗎!佢哋都話OK嘅。」點知兩個囝囝一睇即變鐵粉,「細仔就問點解咁快完㗎!應該做耐啲嘛!又話乜原來一集得4節,點解唔可以有5、6節㗎!有一日我瞓醒!見大仔戴住我出街嗰副有顏色嘅太陽眼鏡,揸住支電筒喺度周圍照喎!我一出嚟睇到,fans嚟喎!佢即刻會模仿囉!幾開心嘅,係幾特別嘅一樣嘢。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd