首頁 日報娛樂

王麗嘉掛住撳電話 王敏德父女行街慘被冷落

03/04/2020
■王敏德食住乳酪同個女傾偈,但個女就唔多想理佢。
■王敏德食住乳酪同個女傾偈,但個女就唔多想理佢。 (1/7)

  王敏德個名出鏡率好高,因為佢兩個女都好有新聞性,大女王曼喜(Kayla)嘅同性戀情經常上報,二女王麗嘉(Irisa)又好鍾意放性感相到ig,激到老竇咆哮,父女隔空互動好好睇。日前下晝,王敏德同二女王麗嘉現身ifc,一樣咁高嘅兩父女去買乳酪食,邊食邊行,老竇係咁講嘢,但阿囡對眼只係望住個電話,理吓爸爸啦。採訪:譚壹致

  王敏德份人都幾有心,之前就試過高溫下去郊野公園執垃圾,又試過喺社交網開直播唱歌,佢話為粉絲傳遞正能量,而佢老婆馬詩慧同二女王麗嘉就擔任特別嘉賓同大家傾偈,Michael話:「知好多人唔係好想出街,今次搞網上直播,希望出一分力,畀啲正能量大家。」嗯,有心嘞。

阿女唔戴罩

  日前下午,見到戴住口罩同無戴口罩嘅王敏德父女喺ifc出現,兩父女專登搭扶手電梯上兩層去買乳酪,兩人揀咗一陣,由Irisa找數。王敏德拉低口罩邊行邊食,冇罩Irisa就無呢個煩惱,一家之主好多嘢講,係咁食係咁講,不過阿女就唔多理佢,顧住撳電話,雖然一心兩用,又食又撳但Irisa完全Handle到,之後兩人就搭Lift去停車場攞車離開。

其他文章
hd