首頁 日報娛樂

余潔瀅積蓄夠搣數個月 [email protected]歎2月開始零收入

11/05/2020
■Aka與Zoe早前合拍微電影《最好的禮物》。
■Aka與Zoe早前合拍微電影《最好的禮物》。 (1/6)

  Super Girls隊長趙慧珊(Aka)早前偕余潔瀅(Zoe)合拍微電影《最好的禮物》,令二人戲癮大發,並盼日後有更多演出機會。惜近日受新冠肺炎影響,不少幕前工作急煞停,身受其害的Aka也大歎2月起開始零收入,患病的爸爸也未能如期覆診,故希望疫情盡快減退;而Zoe則幸運得多,皆因儲落的積蓄都夠搣幾個月!

撰文:黎寶倫 攝影:張詠森 服裝:initial(Aka)、[email protected](Zoe)

髮型:Hugo [email protected] ALCHEMY hair & nail(Zoe)場地: [email protected](巧鬆啲工作室)

  趙慧珊和余潔瀅近日合拍微電影《最好的禮物》,該片更入選《第七屆「創+作」微電影支援計劃 – 音樂篇》。片中,飾演兩姊妹的Aka和Zoe關係惡劣,後來得悉Aka心臟衰竭入院,Zoe才放下怨恨,二人最終和好如初。現實中,Zoe視對方為學習對象,還大讚Aka身材好又能歌善舞,自己也希望進軍歌壇。說到角色患重病,化上病妝的Aka笑道:「有幕我喊到對眼腫晒,加上唔夠瞓,個樣可以話係入行以嚟最樣衰,今次都好大突破,仲令我上咗戲癮。」  該片又配上Aka的新曲《到底之後》,她期盼新冠肺炎疫情就像歌曲一樣已到谷底,盡快重建美麗的香港,問到工作有否受影響?Aka直言:「2月開始已經零收入,好多Job都陸續取消。(隊友話你係月光族,儲蓄夠搣?)我畀晒媽咪保管啫,相信有錢剩,應該唔會死嘅。」不過談到爸爸早前哮喘病發,因擔心中招而堅拒入院,故自己在家中亂食藥,她說:「而家要長期睇住佢,覆診都要延期,所以配藥食住先,之後唯有見步行步,叫佢少啲出街,休息多啲,我一返到屋企都即刻消毒衫、鞋同沖涼,避免同家人接觸。」3月仍為ViuTV趕拍新劇《男排女將》的Zoe則謂好感恩,「之前拍廣告嘅收入都夠捱幾個月,所以唔太擔心。」

其他文章
hd