首頁 日報娛樂

龍友上身  發脹江嘉敏做Model 馮盈盈拋32B胸玩街拍

20/05/2020
露事業線
■穿低胸白Tee的盈盈(左)專心欣賞作品,連自己露出事業線都唔知。
露事業線 ■穿低胸白Tee的盈盈(左)專心欣賞作品,連自己露出事業線都唔知。(1/10)

        去年底,馮盈盈自爆跟拍拖4年的十優醫生男友鍾文浩分手,上月中又被指暗撻28歲大隻主播鄭衍峰(Leonard)3個月,雙方都冇否認。疑似有拖拍的她都冇重色輕友,近日還頻頻跟好姊妹出街打卡,日前盈盈就約埋江嘉敏去銅鑼灣街頭影寫真,當日她又化身「專業攝影師」為發脹江嘉敏多角度拍攝,其間更投入到露晒32B事業線!



2016年港姐冠軍馮盈盈憑J2節目《後生仔傾吓偈》頻頻爆「有味金句」,贏得「最貼地港姐」封號!盈盈一向語出驚人看似精明,原來私底下非常蝦碌,話說近日被爆火速撻着鄭衍峰,仲將60萬的Tesla靚車讓給對方代步,但車主盈盈上周五(15日)於觀塘街頭赫然發現情侶車「人間蒸發」而嚇到花容失色,「嚇親」過程更被網民全程直擊!事隔兩日,估計座駕違泊而被拖走的盈盈則於社交網報平安稱:「我無事,唔使擔心。」

影相P圖

  其實搞笑事又點止一單,近期做了「攝影大師」、幫一班無線小花影寫真的盈盈,本月初跟戴祖儀在路邊影完「櫻花」後,雙雙返到屋企頭痛又作嘔,事後才發現嗰棵兩人口中的「櫻花」竟是帶有劇毒的夾竹桃!(笑)日前盈盈又約好友江嘉敏去銅鑼灣打卡,成日孖住去High tea的兩人今次冇影野花,第一個Check point是Fashion Walk的網紅聖地Lady M。當日下午5時許,叫到一枱漢堡包、意粉、Bagel、蛋糕的二人,坐埋一角瘋狂擺Pose互影港女相,影完就慢慢歎啡再細味靚相,揀好相就梗係要P圖兼發相啦。

遷就角度

  身為一個專業的攝影師,盈盈都好細心,發現Model甩假眼睫毛即出聲,隨性的江嘉敏即刻拎鏡盒仔出嚟執一執。埋單後,意猶未盡的兩人又走到附近食街取景,穿短裙晒美腿的盈盈托住部單反相機,為江嘉敏多角度拍攝,睇落都算係有姿勢有實際;其間她更忘形得不自覺地露出3吋事業線,相當養眼,反觀剛拍竣劇集《食腦喪B》的江嘉敏,似乎於放假期間食多咗,搞到下巴、面珠都發脹不少,難怪盈盈都要移來移去就角度啦!影足20分鐘後,兩人便戴番口罩走出大街,可能自覺太性感,盈盈即刻用冷衫遮住心口,最後二人便回停車場取車離開。

採訪:梁志明

其他文章
hd