首頁 日報娛樂

蘇格蘭人唔願戴口罩 喬寶寶灰爆大呻遲早瀨嘢

25/05/2020
■喬寶寶由香港派口罩派到去蘇格蘭,唔少華人都多謝他。
■喬寶寶由香港派口罩派到去蘇格蘭,唔少華人都多謝他。(1/7)

        喬寶寶喺3月底離港前做過義工,派口罩畀弱勢社群,移民蘇格蘭與家人團聚後,寶寶仍然熱心公益,之前他為當地華人社區派口罩,半小時內派出3000個,但排隊人龍中只得頭尾兩個係外籍人士,好多英國人仍然唔願戴口罩,眼見英國新冠肺炎死亡率愈嚟愈高,他絕望說:「可能過多幾個月再聽唔到我把聲喇!」採訪:方騫平

        之前喬寶寶應邀參與蘇格蘭中國文化公益協會搞嘅慈善派口罩活動,「排隊嘅九成九係華人,仲以為喺香港派緊口罩,得2個係外國人。呢度全城冇人戴口罩,堅持保持社交距離係最好,但佢哋又唔停口喺度講嘢,唉!完全冇危險感,真係好易中招。最慘政府冇帶頭呼籲及強制要戴口罩,家居令又鬆散,疫情嚴重嘅西班牙、意大利同美國旅客入境都唔需要任何檢疫;以運動為由,24小時出街都得,無喇!o依家睇吓好唔好彩,可能同你傾多個幾兩個月,好快聽唔到喬寶寶把聲嘞!」

  英國成為繼美國後,新冠肺炎全球死亡率第二最高國家,喬寶寶灰爆說:「o依家出街隨身準備,口罩、手套、搓手液,每星期一次去超市買完嘢,返到屋企要馬上消毒食物包裝,呢度太危險,直情係戰場咁,連超市收銀、做醫生嘅新抱全部都唔戴口罩,我都唔知幾時會瀨嘢,日日提心吊膽。」不過,他堅持唔會回港避疫:「o依家長居蘇格蘭過住半退休生活,主要睇住個細仔,陪佢喺後花園踩吓單車,因為佢體弱多病不宜外出,希望早日抱孫就會冇咁悶。」

其他文章
hd