首頁 日報娛樂

唔怕同MIRROR比較 《造星II》Justin率兄弟組團出道

29/05/2020
■(左起)Justin、Eagle、Aiden和June預料以4人組合姿態出道。
■(左起)Justin、Eagle、Aiden和June預料以4人組合姿態出道。 (1/6)

  第一季《全民造星》結束後,不論組合MIRROR、ERROR及一眾落選仔仔均獲力捧,惟《造星II》三甲至今仍去向未明,更枉說ViuTV會積極安排工作給一班落選者!與其等運到,Team B出身的洪助昇(Aiden)、陳樂(Justin)、梁瑞峰(June)和陳天翱(Eagle)索性靠自己,早前於社交網開設專頁拍片Jam歌,據悉,大獲好評的他們正籌備以組合形式出道!對此,四位新仔早前接受本報訪問時,露出尷尬笑容表示:「計劃當中。」採訪:黎寶倫

  Team B四子早於3月初,在YouTube上載首條翻唱《最後的信仰》的影片,獲原唱林二汶和陳健安讚好。被問到會否殺入樂壇?他們即支吾以對,並多次尷尬望實經理人求救,最終June鬆口表示:「我哋Keep住會有嘢進行緊,但所有嘢計劃當中。」追問是組男團定單飛?Aiden說:「我哋各有專長,當大家拎自己叻嘅嘢出嚟,相信件事畀一個人做力量更大。」而在總選中獲金牌經理人霍汶希睇中的Justin,直言賽後也有公司向他招手,雖然稱一切商榷中,但他說:「我就想自由度大啲,o依家叫做搵到佢哋3個Keep住做,睇吓做到啲咩囉。」

  4位音樂才子預料以抒情歌作主打外,又盼突破框框作多面發展,至於會否跳唱?眾人即爆笑稱:「唔使一吓咁突破嘅!(怕同MIRROR比較?)發揮自己最好嘅嘢就最Connect到人,我哋都唔怕比較,每個組合或Artist都有自己魅力,總會有欣賞自己嘅觀眾,擔心太多只會阻礙自己想做嘅嘢。」對於花姐(監製黃慧君)似乎較偏心第一季,他們認為都很合理和正常,況且疫情也影響到工作量,Eagle說:「佢哋對自己Artist好都係正常事,總之做好自己嘅嘢、得到人認同就得,唔需要理偏唔偏心。」

其他文章
hd