首頁 日報娛樂

演繹大膽情慾戲冇包袱 關智斌望觀眾視為真演員

29/05/2020
■Kenny由偶像歌手出道,轉眼12月便踏入4字頭,外表絕對睇唔出。
■Kenny由偶像歌手出道,轉眼12月便踏入4字頭,外表絕對睇唔出。 (1/6)

  關智斌(Kenny)繼14年演出港產片《救火英雄》後,主力發展內地巿場,最近再參與電影《墮落花》演出,演繹在英國長大的販毒集團主腦養子「傅餘浪」,角色相當大膽,更有不少情慾戲份,Kenny謂自己早已放低偶像包袱,所以拍攝完全冇尷尬,但自己睇完片都不禁「嘩」一聲,他期望透過今次角色,打破觀眾對他的既有印象,視他為真正的演員。 髮型:[email protected] 服裝:D-mop、Christian Louboutin

攝影:李維隆 化妝:Elaw [email protected]

場地:英皇戲院(尖沙咀iSQUARE) 撰文:杜淑霞

  對於今次角色突破,跟溫碧霞和郭奕芯亦有不少情慾戲,Kenny坦承接拍前完全沒包袱,「我拍嘅時候真係冇咁嘅感覺,因為呢7年我都向咗演員發展,我喺內地拍咗好多角色,而且唔一定係正面角色,我已經好自覺掉低嗰啲所謂包袱。」不過,當睇片時Kenny都意想不到,「加埋配樂、剪接同調色,自己喺戲院睇都有少少『嘩』咁樣。(自己都估唔到?)哈哈!都有少少估唔到。」

主動出擊自製機會

  Kenny認為香港觀眾看着他成長,希望今次角色令大家對他有新睇法,認定他是個演員,「好多fans係睇住我大,或者一同成長,啲人會對我太有既定印象,如果對於我做演員嚟講未必係一個好處,呢部戲對於我嚟講,可以令到大家覺得我都可以係一個演員。」

  年底便40歲的Kenny,去年首開個人演唱會,令他學懂珍惜,「我以前會覺得平時做啲嘢可能係白費,但係原來你唔知,做咗好多嘢積積埋埋到咗某個點嘅時候,可能會成就咗你嗰刻嘅一個燃料,經過上次,更加覺得只要你重視尊重每一次工作已經足夠。」而他亦認同做演員太被動,會嘗試主動出擊搞製作自製機會,更想探討如《Black Mirror》(《黑鏡》英國獨立單元劇)這類題材,「因為大家都沉迷科技,但拍嗰個題材始終俾番外國人用科技,可以講香港人用科技同埋點用社交媒體。」

其他文章
hd