首頁 日報娛樂

長期單身黐老友一家行街 小肥好小心保持社交距離

16/06/2020
■小肥打開定個透明膠袋,並站在好友旁邊準備將食物入袋。
■小肥打開定個透明膠袋,並站在好友旁邊準備將食物入袋。 (1/6)

  44歲嘅小肥(徐智勇)入行13年絕少緋聞,早年更因於微博關注多位大隻男,而遭網民質疑是同性戀者,當時他激動澄清:「我唔係基,但唔歧視同性戀。」又難怪的,觀乎小肥於社交網貼出的合照,除了偶爾跟人妻卓韻芝飯敍、跟J.Arie(雷深如)開工,幾乎清一色全男班!早前,他又跟好兄弟一家三口去又一城買嘢,惟孤家寡佬的小肥好多時都企埋一邊,So lonely!採訪:譚壹致



  長期單身的小肥私下經常約兄弟健身、食飯,間中又會上老友屋企黐餐。早前下午3時許,戴上黑口罩和Cap帽的他,又跟好友一家人到又一城行街及買餸。小肥跟老友一家全程都好小心保持1.5米社交距離,無論搭扶手電梯或Window Shopping,就算入到糖果專門店,佢都彈開自己一個睇朱古力,望見其孤獨的背影都覺得悽慘。

  齋睇冇幫襯的眾人,隨後走進馬莎買Pasta,此時小肥終於有機會「親近」大家,一齊研究從冰櫃拎出來的通心粉及意粉;付錢後,他們便轉場去Taste超市繼續逛,雖然好友表示:「唔使買嘢返去煮啦!直接買現成嗰啲餸啦!」但最終大家都有揀啲蔬菜,本來行開去睇麵包的小肥,見到老友兩手舉住棵西蘭花都急急腳擸了個透明膠袋,緊隨其後Standby幫手裝食物,都幾幫得手!

其他文章
hd