首頁 日報娛樂

住屋邨搭港鐵出入 窮女神施匡翹唔恨識有錢仔

22/06/2020
有料之人
■施匡翹收收埋埋,一拉筋即發現原來係有料之人。
有料之人 ■施匡翹收收埋埋,一拉筋即發現原來係有料之人。(1/10)

        因為受社會運動及疫情影響,演藝界大受打擊,但仍然有公司願意捧新人,就係24歲有樣有Body仲好唱得嘅施匡翹(Zaina)。Zaina身高5呎9吋,目測三圍有33C、24、35,仲有一對45吋長腿,上台唱歌夠晒壓場。雖然唔係大公司,加上經濟環境唔多好,但Zaina仍然好有自信:「有危自有機,唔怕!」。採訪:方騫平 攝影:張詠森

        新一代「長腿女神」施匡翹下月會考瑜伽導師牌,眼見疫情稍為緩和,日前她走到戶外做瑜伽。一直收收埋埋的Zaina原來係有料之人,彎身拉筋時意外微露事業線,相當養眼:「之前我肥咗5kg,所以靠做瑜伽同埋16:8斷食法減肥,o依家體重回落到50kg,目標仲想減多5kg。」Zaina表示目前疫情反覆,多做運動可以加強免疫力,「喺空曠環境伸展吓,吸收吓陽光,人都開心啲又健康啲。」Zaina好重視拉筋:「其實拉筋可以舒筋活絡,筋骨柔軟,身形都靚啲,對擴胸亦有幫助,而且擴胸可以增加心肺功能,有助唱歌。」問到Zaina有一副好身材會否性感示人?她即耍手擰頭話唔敢,坦言會好驚,怕尷尬,都係收埋啲好,所以唔太清楚自己嘅上圍數字。

停學一年專心唱歌

  由去年8月出道至今,施匡翹分別出咗《假如真的再有約會》(同蔣嘉瑩合唱)、《初心》及《耳仔軟》3首歌,日前仲做埋網上音樂會。本身仲有年幾先讀完公開大學幼師學位,由於要專心唱歌,喺父母支持下決定停學一年。對於現階段出道可會擔心被忽視?Zaina坦言公司有擔心過,怕大家焦點落喺社會大事上:「我堅持一定要積極面對,始終有危就有機,唯有加強網上宣傳,畀大家空餘時睇到開心嘅嘢,任何情況下都要開心,要保持初心,咁先會過得快樂。」

男朋友要似周潤發

  日前本報記者見到施匡翹去超市購物,當日佢主攻減價貨,包括特價橙、麵包及乳酪等。據知,家住屋邨嘅佢屬「平民」歌手,父母只係打工仔,出入坐港鐵及巴士,為咗慳啲使,她特地學化妝,平時有服裝贊助,而且每月有底薪,「其實我由中六開始做兼職,賣過護膚品及做model拍廣告,所以唔使問父母攞錢使。o依家每個月我會將一半錢畀媽咪做家用,自己每日限用200蚊,對我嚟講200蚊經已好多,因為我都係買嘢食啫。」Zaina表示自己唔買名牌,每年生日,媽咪名義上都會送她一個名牌手袋看門口,「咪當每月家用嘅獲利回吐囉,我啲衫同袋,佢都有份用㗎!我好滿足現狀,唔介意係屋邨妹,由細住到大,就算做咗歌手都唔覺有咩不便,試過戴住口罩搭港鐵都畀男Fans認出,仲要求影相。」她強調唔恨結識公子哥兒,經理人會幫她擋駕,推晒所有應酬飯局。講到擇偶條件,佢話最好似偶像周潤發:「佢夠孝順、顧家、踏實同埋健康!」

其他文章
hd