首頁 日報娛樂

親授3招擊退色狼 鄧穎芝MeToo經歷學識反抗

26/06/2020
■一向敢作敢為的Vangie無懼批評,認為唔啱就要出聲。
■一向敢作敢為的Vangie無懼批評,認為唔啱就要出聲。 (1/5)

  鄧穎芝(Vangie)上月揭發一名自稱武術教練男子,以教學示範影片為由非禮多名女生,她之所以積極為女生討回公道,原來是因為早前到泰國進行訓練時,亦不幸遇上「#MeToo」經歷,令她覺得不可再姑息疑兇!事件亦激發Vangie努力進修武術,受訪當日更即場示範3招自衞術,敢言的她說:「唔啱嘅嘢就要出聲,有得講就好講!」

撰文:黎寶倫 攝影:譚壹致 場地:Shooto Gym Hong Kong

  自4年前演出ViuTV真人騷《G-1格鬥會》後,鄧穎芝便對泰拳及巴西柔術一試上癮,今年2月她更與好友楊柳青去布吉參加巴西柔術訓練,但過程中卻遭一名外籍男學員「鹹豬手」,「有一Pair男學員行埋嚟話『我個朋友唔識呀,可唔可以借嚟做示範』,嗰一刻都冇戒心,點知練緊一個跪地俾人從後抱嘅解鎖動作時,佢就插隻手落我個胸度博懵,當下我呆咗,心諗點算?完全唔識反應。」嚇到不敢出聲又不敢回去上堂的Vangie,現在回想起也好後悔沒有報警處理,「呢樣嘢對女仔心理影響好大,我覺得係要正視,所以見到呢單新聞就好大反應,好想幫到啲女仔。」

  過去看到社會不公的事情,Vangie都經常於社交網發聲,問可擔心惹麻煩?她說:「我覺得唔啱嘅嘢就要出聲,我性格不嬲都有嗰句講嗰句,但以後會唔會有問題?如果o依家唔出聲爭取,以後就真係好麻煩囉。有時朋友話『你有頭有面,點解講咁多偏激嘢俾人批評』,首先我唔覺自己有頭有面,當我係有班追隨者,我更加要分享啱嘅嘢畀佢哋聽,而家有得講就講。」敢言的代價甚高,令Vangie失去不少內地工作,一年賺少幾十萬,但她絕不後悔,「有手有腳喺香港都可以做到好多嘢,好似教健身、賣大閘蟹等,賺少啲咪使少啲囉,我好易滿足。」

其他文章
hd