首頁 日報娛樂

68歲真係好驚中招 拉姑繼續戴孖罩出街

03/07/2020
■一身又桃紅又花碌碌嘅拉姑戴住兩個口罩行超市。
■一身又桃紅又花碌碌嘅拉姑戴住兩個口罩行超市。 (1/7)

  新冠肺炎在外地有第二波疫情,但香港就日漸緩和。年初曾影到狄波拉戴孖罩出街,當時佢話因為自己成日講嘢,口罩會郁,所以打孖上安全啲,但經記者講解戴孖罩更危險時即恍然大悟。不過,知唔代表會做,日前見到拉姑又戴兩個口罩行超市,老人家真係話唔聽㗎喎。

採訪:梁志明、李維隆



  全球新冠肺炎確診人數已經超過1,000萬,死亡人數逾50萬。美國同內地都有第二波,好彩香港未有事。不過,老人家屬肺炎高危,係要小心嘅,但小心都要聽專家講囉。

  日前晚上,着住花花外套及戴住花花頭帶嘅拉姑同兩女一男去銅鑼灣超市買嘢食,有乳酪、日本白本菇及香草,當日拉姑好忙,揀嘢食又要覆短訊,望多兩眼發現拉姑又戴咗兩個口罩,行咗一陣買咗啲嘢發現記者就拿拿臨同朋友一齊畀錢再等車離開。隔咗幾日又見到拉姑,今次喺置地,佢同老公喺餐廳食晚餐,眼利嘅佢瞄到記者唔多高興即同老公調位,快食半個鐘就離開,今次戴一個口罩嘅拉姑搭扶手電梯時手指指記者,咩事咁嬲呀拉姑?

其他文章
hd