首頁 日報娛樂

佗第二胎遇疫情 宋熙年連外賣都唔敢食

11/07/2020
■Sarah打算生完這胎後,會專心工作,「暫時唔會再生住,或者等兩個小朋友再大啲先算。」
■Sarah打算生完這胎後,會專心工作,「暫時唔會再生住,或者等兩個小朋友再大啲先算。」(1/6)

  宋熙年(Sarah)早前宣佈為老公陳智燊懷第二胎,預產期為9月,而她打算遲點才公佈BB性別。現在頂着7個月孕肚的她,頭3個月佗得較佗囝囝時辛苦,除妊娠反應較大,加上遇上疫情亦令她和老公相當擔心,連好想食嘢也要忍口,外賣也不敢食,專心留家避疫養胎,幸好現在佗得相當穩定。 撰文:杜淑霞 攝影:譚壹致

  有過第一胎經驗, Sarah本來諗住今次會佗得好順利,點知疫情打亂了她陣腳,「上一胎因為冇經驗,都要睇書問朋友,呢一胎諗住有少少經驗,湊仔都識少少,點知就遇到疫情,喺呢方面有少少手忙腳亂,要做啲咩防疫令到屋企人安全啲,我哋都好擔心,特別囝囝仲咁細,跟住我又懷孕啦!」

望囝囝做溫柔哥哥

  Sarah謂一歲多囝囝陳裕炘(Damon)雖然唔肯戴口罩,幸好未識扭計去街,反而是她妊娠反應比較大,冇得出街較辛苦,「上次佗BB頭3個月,好想食就會出街食或者買嚟食,呢一胎多數喺屋企食,但有啲好想食嘅嘢,屋企未必可以煮到,譬如有啲好唔乖嘅珍珠奶茶呀!或者想食啲酸酸辣辣,睇韓劇又想食泡菜,唔會即刻有材料,以前就即刻出去食,但o依家就唔會,老公覺得未好了解疫情,唔好買咁多外賣返嚟食,所以嗰陣時係我最辛苦嘅時間,因為反應係最大。」

  有過今次疫情經驗,Sarah會更加注重一家人健康,「冇健康真係乜都做唔到,所以我哋全家都有買醫保,好似FWD富衛『尊衛您』自願醫保計劃咁,我哋一家都會買,第時BB出世都多啲保障。」她又透露正在教囝囝學做哥哥,「佢初初見到我個肚會話波波,o依家會識得好溫柔咁摸同錫錫,我最感動佢會幫隻熊仔襟被再錫佢一啖,希望佢第時都係個溫柔嘅哥哥啦!」

其他文章
hd