首頁 日報娛樂

搞美容「收陰」生意 月賺過百萬 蔚雨芯封「魔鬼胸」全力從商

14/07/2020
巨乳招牌
■蔚雨芯用32D「魔鬼胸」做生招牌,殺晒。。
巨乳招牌 ■蔚雨芯用32D「魔鬼胸」做生招牌,殺晒。。(1/11)

        入行9年,26歲的蔚雨芯(Rainky)靠在旅遊節目中穿三點式與魔鬼魚同游,被封「魔鬼胸」令觀眾認識。因為在娛樂圈發展成績唔太理想,去年豁出去用累積嘅人脈,加上與友人合資7位數搞自家美容品牌網店,32D「魔鬼胸」當然成為生招牌。開業1年已火速賺到第一個一百萬,o依家公司平均月賺過百萬。有好回報又有滿足感,Rainky唔再沉迷發明星夢,主力從商搵錢最實際。

        蔚雨芯出過3張唱片,亦曾出過寫真集,大晒32D火辣身材,近年就拍吓電影及電視劇,不過,明星夢隨住網店生意愈做愈好而夢醒,她說:「由細到大都為自己定落好多目標,好想創業同做歌手,細個就出唱片,拍吓戲都OK嘅,但做歌手嗰陣每日都有啲迷茫,永遠唔知聽日做乜,套劇得唔得?頒獎禮有冇份參與?出新歌來來去去都係派台,上電台做宣傳更加無謂,一堆訪問做到好悶,經理人教落,識多啲人脈就可以創立自己品牌,舊年覺得係時候跳入人生另一個階段,我貪靚,所以選擇做美容品牌。」

疫情下生意勁升

  Rainky最估唔到疫情下網購生意不跌反升:「因為啲人少咗出街購物,女仔留多咗喺屋企就容易致肥,加上上網認識到我啲產品,所以呢幾個月好快返到錢,我將公司賺到嘅7位數字投放返喺新產品,同時又喺荃灣租咗個2,000呎嘅甲級寫字樓,裝修咗幾十萬。其實真係冇諗過生意發展得咁快,由最初得200個代理去到o依家有600個代理跟我搵食。本身今年二月周年晚宴只係諗住擺6圍,因為疫情順延至上周五舉行,o依家要加開到15圍,愈搞愈大,仲請埋姜濤表演,未來產品仲會打埋入台灣同星馬市場,係長線發展。」

嫌Pat Pat大

  閨密劉佩玥、朱晨麗及陳嘉桓等都有受惠用收陰保健品,Rainky大笑說:「我唔需要收陰住,亦感受唔到,不過就真係改善咗經痛。」提到大馬鄭姓富二代男友,Rainky即落閘,「好朋友咋,未去到親蜜地步,家陣要專注工作。」而她從來冇proud of「魔鬼胸」,亦不覺係完美女神身形:「自己係鬼妹仔葫蘆身形,pat pat大、周身肉地,亞洲人未必鍾意」

採訪:方騫平

其他文章
hd