首頁 日報娛樂

作歌送未婚夫結婚驚喜 何雁詩自爆忍唔住畀鄭俊弘聽

24/07/2020
■Step近期頻頻以性感示人,她認為只要靚就算性感都冇問題,Fred亦不會介意。
■Step近期頻頻以性感示人,她認為只要靚就算性感都冇問題,Fred亦不會介意。 (1/7)

  繼4月出現發燒兼喉嚨痛疑似「中招」的何雁詩(Stephanie暱稱Step),最近再因宣傳人員確診新冠肺炎,再次需要做檢測,幸好結果呈陰性。其實近期Step頻頻現身,因剛推出新歌《絕望時請點播》,這是她第二首參與作曲的作品,她自爆第一首作的歌曲就是打算年底送給未婚夫鄭俊弘(Fred)的禮物,她笑言本來想給Fred結婚驚喜,但最終忍唔住已將Demo給對方聽。撰文:杜淑霞 攝影:李維隆 場地:redmr(尖沙咀)

  相對於以住演繹別人創作的歌曲,Step坦承今次唱自己有份作曲的《絕望時請點播》,感覺完全不一樣,有種升了半個呢當製作人的感覺,「今次寫個簡介畀首歌時,感覺好唔同,今次由零開始到包裝,成個製作我都一齊見證住,我覺得我係首歌個媽媽咁。」

只要夠靚唔怕性感

  講到拍《絕望時》MV時着得超性感,Step認為只要夠靚,性感絕對冇問題,況且第一次跟馬天佑合作,對方不但搵來靚衫,仲教她擺了好多個靚甫士,令她更有女人味,也估不到外界反應這麼大,間接幫到隻歌宣傳,「嗰日拍都好危險,因為好少布又大風,所以導演張子丰都講笑話可以剪返一個全走光版MV,可以送畀Fred做結婚禮物,哈哈!」

  提到第一首創作歌曲,Step自爆原來是打算年底結婚時送給Fred的禮物,她笑言本來打算給Fred驚喜,但結果都是忍不住,「我本嚟諗住唔畀佢聽住,結果同試婚紗一樣我諗住唔畀佢知,點知唔小心忍唔住畀佢聽咗,因為驚佢唔鍾意,佢都有畀啲意見。」但Step強調只給了他聽Demo,到有真正製成品會到結婚時先給他聽,希望到時他對歌曲會有特別感受。

其他文章
hd