首頁 日報娛樂

讚陳豪事業家庭兩兼顧 李佳芯目標要做包租婆

31/07/2020
■李佳芯享受現階段舒適生活,有工開又有愛錫自己嘅人。
■李佳芯享受現階段舒適生活,有工開又有愛錫自己嘅人。 (1/6)

  TVB熱播劇《殺手》收視報捷,最新跨平台收視有31.3點。劇中李佳芯(Ali)相當搶戲,完全發揮到師奶仔「Cash」的貪錢本色,演技獲讚。一度被指事業告急嘅Ali,落實於8月中拍新劇。對於近年事業高低起伏,她說:「眼前有乜路就行好嗰條路,呢個方式係最簡單,就算面對疫情所持態度都係一樣。」採訪:方騫平 化妝:Evelyn Ho 髮型:Ziv Lau @il Colpo 服裝:Claudie Pierlot Paris



  劇中李佳芯情傾浪子「Zero」陳豪(Moses),戲裏戲外,Ali對陳豪都高度讚賞:「愈合作得耐,愈覺得佢好犀利,佢好似唔使瞓咁,就算收工幾夜都好,一早仍然會湊小朋友返學,仲會keep住食白烚嘢、做運動。」眼見Moses有個溫馨嘅家,跟陳炳銓感情穩定嘅Ali可有諗過變身陳師奶?她笑說:「我o依家最想做包租婆,等我喺呢兩年做吓功課先,至於結婚更加隨緣,當兩個人結成一體,一加一唔係等於二,只係減為一,最緊要係有呢個衝動,冇得逼迫對方,我又唔心急。」講到男方陪住她走過事業低潮,係咪會更加珍惜身邊人?Ali即笑說,「哈!我都有陪伴佢嘅時候,而且一向好珍惜身邊人,唔關高低潮事。」

見步行步最實際

  Ali又大談對近年經歷嘅感受:「唔止係我,全世界人最大感受係疫情,天災人禍隨時會出現,所以以前定下嘅計劃,想做啲乜,搵幾多錢,攞乜獎,其實身外物唔重要,最後回歸返有冇健康身體,身邊有冇愛你嘅人及你愛嘅人,有冇時間陪伴對方。人去到某個階段,當你面對控制唔到嘅嘢,包括疫情、失業、健康等問題,人可以做嘅嘢唔多所以無力感好大,最簡單係眼前有乜路就行好嗰條路,呢個心態每個時候都用得着。現階段無論事業、健康及朋友都平衡得最好,反而最enjoy,最舒服。」

其他文章
hd