首頁 日報娛樂

鄭融留家抗疫變「煮」婦 梁諾妍鄙視洪永城唔捱得

04/08/2020
■Inez和鄭融在節目中,挑戰不少戶外極限活動。
■Inez和鄭融在節目中,挑戰不少戶外極限活動。 (1/5)

  梁諾妍(Inez)和鄭融為香港開電視節目《神奇旅俠》上山下海,後者玩到隔日要簽生死狀,更衝破心理關口與鯊魚潛水;不諳水性的Inez就挑戰飛索、跳崖嚇到喊,以為男友洪永城(Tony)一定好擔心,估唔到Inez即否認:「完全冇,佢叫我玩得開心啲。」講到疫情下無法出國,鄭融自言多了買餸煮飯,又歎做家庭主婦唔容易,而剛展開同居生活的Inez笑言好彩Tony冇鼻鼾:「佢瞓得好安祥,唔郁又冇聲。」撰文:黎寶倫 攝影:李維隆 

場地:香港灣仔帝盛酒店 髮型:Jamie [email protected](梁諾妍) 服裝:b+ab(梁諾妍)

  梁諾妍和鄭融早前為節目《神奇旅俠》分別在港及馬來西亞大玩極限活動,突破自我,壯大了膽的鄭融盼有機會到外地參加三項鐵人賽。Inez就自稱經常玩命,兩年前曾赴阿拉斯加參加500公里「冰極長征」慈善跑,不過因氣溫降至零下50度而叫停,問到還想完成該項比賽?Inez表示好難一個人做,提到可叫洪永城陪,她指男友脂肪多應該冇咁怕凍,意指都可以。再問跟男友邊個捱得啲?Inez即搶答,「梗係我啦,我跑咗咁多個全馬,佢都未跑到一個,鄙視佢!我哋之前都有約去北韓跑半馬,但因疫情而延後,希望出年去到,我一定會『的』佢去!」

  提到現時要留家抗疫,變「煮」婦的鄭融即忍唔住分享下廚心得,笑問另一半豈不是好有口福?是否Ready做人妻?她大笑說:「OK啦!我都係諗住煮畀自己食㗎咋,大家口味好唔同。」對於不少情侶日對夜對搞出「人命」,早前被批今年奉子成婚的Inez笑答:「未有喎,因為大家都好忙,兩個人喺屋企時間唔多。(Tony話Ready做老竇!)我Ready,但都要有個步驟,雖然話唔介意啫。(會阻止未婚懷孕?)順其自然,大家都做足安全措施,但有都係一個緣份,我都會要嘅,而家努力工作先,有小朋友都要工作㗎嘛。」

其他文章
hd