首頁 日報娛樂

連環出新歌後專心湊B 羅力威做好準備餵夜奶

07/08/2020
■羅力威承認以往會給自己好大壓力,對各方面都會好執着,現在開朗得多。
■羅力威承認以往會給自己好大壓力,對各方面都會好執着,現在開朗得多。 (1/5)

  羅力威最近連環推出兩首新歌《旅行娃娃》及《廢物女友》,他坦言入行11年現在心態已不同,盡力寫出滿意的新歌後,不會太在意成績,給自己太多壓力,以往他甚至跟傳媒相處都有困難,但經驗累積加上太太雨僑正面影響,令他變得更開朗更自在。而他這個準爸爸亦已做好準備,除了宣傳完新歌後會暫時放低工作專心湊BB外,更有晒心理準備挑戰艱巨的餵夜奶工作。 採訪:杜淑霞 攝影:譚壹致 髮型:Adam [email protected] W Salon by IL colpo 化妝:[email protected] 場地:Red Sugar, Kerry Hotel

  羅力威解釋,新歌出得密,因為希望之後可以專心迎接跟雨僑的小生命來臨,「希望呢兩首歌啲人聽耐啲,我又有啲時間湊吓B,陪吓老婆生同復原。」出道11年的羅力威笑言心態和情況跟周杰倫一樣,由最初執着作品成績,好有壓力,到現在已睇得好開,盡力寫好每首歌便夠,「我嘅情況、心態同佢一樣,只係佢有人聽,我冇人聽咁解,哈哈!」

  這次訪問,看到羅力威明顯開朗得多,變得好健談,他承認以往對傳媒好有戒心,「可能人嘅階段唔同咗,開頭會覺得啲人係害我,哈哈!想引我講錯嘢,定係想攞啲嘢鬧我,細個唔懂事,覺得呢行咁複雜,唔知係咪個個衰人,其實呢行好多都係好人嚟,咁衰人周圍都有,唔單止呢行。(你開朗咗!)正常做番一個人,以前唔算太正常,哈哈!」原來他以前連出街也感到壓力,「以前出街有人望會諗『睥咩』哈哈!其實人哋因為認得你,或者想同你講聲加油,或者鍾意你嘅歌,未必一定係睇唔起你嘅。」

  羅力威今日能夠貼地做返自己,識得同傳媒相處,太太雨僑絕對功不可抹,「太太對我嚟講最重要,佢所有睇法同我講嘅說話、思維內涵,都係100分,咁我喺佢身上得到好正面嘅影響。」講到跟雨僑的愛情結晶品,他有晒心理準備挑戰最困難的餵夜奶,「我天生冇黑眼圈,預咗唔夠瞓辛苦,好彩我唔使定時返早,唔使定時休息,預咗長期唔瞓,中間有4個鐘瞓就OK,盡量喺唔瞓時做晒啲嘢,睇吓會唔會捱到有黑眼圈。」

其他文章
hd