首頁 日報娛樂

贈基層兒童愛心百寶枱 阮兆祥米雪送暖到社區

11/09/2020
■(左起)阮兆祥、米雪和何麗全上周六落區做善事。
■(左起)阮兆祥、米雪和何麗全上周六落區做善事。 (1/6)

  上周六,阮兆祥(祥仔)、米雪和何麗全夫婦代表福幼基金會,現身土瓜灣向基層家庭派發防疫包,以及送贈「愛心百寶枱」給劏房兒童,一眾受惠家庭都好開心, 祥仔說:「希望小朋友喺狹窄嘅環境都有個舒適嘅學習及玩樂空間。」採訪:李維隆

  當日阮兆祥、米雪戴上口罩現身土瓜灣,向基層家庭逐一派發防疫包,內裏包含口罩、搓手液、水彩筆及畫簿等,同場仲有何麗全夫妻來做義工;席間,眾人耐心向市民講解「百寶袋」中的用品,又應要求與大家合照,非常親民。

何麗全感激善長

  是次活動特別與家居品牌合作,為劏房兒童家庭免費設置集合「食、學、玩」於一身,又易於收藏的「愛心百寶枱」,何麗全感激各善長人翁捐款,讓小朋友可以跟家人同枱食飯、玩桌上親子遊戲及溫書做功課,他說:「佢哋收到都非常開心,尤其啱啱開學,希望小朋友繼續努力做功課,學業進步。」

  見基層小孩大部份時間瑟縮在牀上活動,祥仔盼這張枱能給予他們一個舒適的空間去學習和玩,「雖然話抗疫唔開心,但我覺得大家要繼續將啲愛心發揚開去,令大家多啲溫暖。」米雪就表示:「見到啲父母特別開心,因為小朋友唔使彎腰趴喺度,咁樣對條腰同成長都唔好,呢張枱就好百變,可以變飯枱同畫室。」

其他文章
hd