首頁 日報娛樂

2C入冷宮 疫下出街不能一拖三 鄧兆尊陪G奶新歡買餅手多多

11/09/2020
奇蹟泵脹
■抗疫期間有陳小姐的住家飯食,一向是「排骨精」的兆尊都谷到凸腩兼現「肥仔波」。
奇蹟泵脹 ■抗疫期間有陳小姐的住家飯食,一向是「排骨精」的兆尊都谷到凸腩兼現「肥仔波」。 (1/10)

        自7月中爆發第三波疫情,政府便將限聚令由4人收緊至2人,搞到網民紛紛問:「有冇諗過鄧兆尊感受?」事關兆尊以往出街食飯都一拖三,不過政府最新公佈放寬社交距離措施,限聚令由2人放寬至4人。對於在限聚令下點同3位女友出街?兆尊真係答過,佢話「成日都留喺屋企」,間唔中先自己一個落街行吓,不過近日見疫情稍為緩和,兆尊又拖埋女友出動,結果網民最關心的問題終於揭盅,上周一(31日)他就選擇跟「G奶新歡」陳小姐去銅鑼灣買蛋糕,其間兆尊仲忍唔住手多多,大庭廣眾摸女友籮柚。

53歲的鄧兆尊與3位紅顏知己一直和睦相處,當中「大婆」Carmen和「二奶」Cherry(車厘子)伴隨超過廿年,「骨妹三奶」Claire就從3年前跟他,不過今年3月,兆尊自爆因「志向唔同」跟Claire分手,「阿三」位置火速被細10多年的「G奶中女」陳小姐補上!雖然口講疫情期間盡量Stay Home,免卻冇得「四人行」爭風呷醋,但近日本地確診個案驟減,兆尊靜極思動終於攜眷「出關」。

住家飯食到肥

  礙於之前2人限聚令仍然生效,外出自然「三個只能活一個」!近日接受好友苑瓊丹訪問時,兆尊罕有地攜同新歡陳小姐上鏡, 兩人還於影片中打情罵俏,兆尊自認鍾意食「豬扒」,又讚陳小姐靚女兼聽話,陳小姐就用「譚仔阿姐」式廣東話自爆以住家飯箍實男友個胃,估計禁晚市堂食期間,就靠呢招冧掂兆尊,所以上周一晚上7時許,「2C」 Carmen和車厘子繼續坐冷板櫈,陳小姐成功獲「排骨」食到變「凸腩中佬」的兆尊「點燈」,雙雙落銅鑼灣Shopping。

陪逛送摸摸樂

  當日,穿黑色露膊連身短褲的陳小姐,性感大晒Bra帶及白滑肉腿,兩人並肩行到波斯富街一間麵包舖,女方就獨自走進店內揀嘢食,而兆尊就好Gentleman幫女友拎住袋戰利品,再企喺門外耐心等。陳小姐揀唔啱麵包又走出門外睇吓啲蛋糕,曾經講過唔會跟女伴公開親熱的兆尊,繼被影到於沙灘「破戒」拖手、錫膊頭後,今次再於街頭情不自禁摸新女友Pat pat,點知手指公撩咗兩吓,陳小姐一個華麗轉身行去另一間麵包舖,兆尊即刻縮手死跟。最終,陳小姐揀咗兩大盒蛋糕,闊綽兆尊自動波畀錢之餘,又幫女友拎住盒餅,直至行到天樂里便各自分道揚鑣返屋企。

採訪:梁志明

其他文章
hd