首頁 日報娛樂

準人妻同阿媽行超市 張寶兒大掃有機盒裝湯

28/09/2020
■張寶兒用手捧住一堆食物慢慢行超市。
■張寶兒用手捧住一堆食物慢慢行超市。 (1/7)

  呢期TVB最紅必屬袁偉豪同張寶兒,前者日前喺ig貼咗一段一年前向張寶兒求婚嘅片段,求婚詳情唔再講嘞,講足咁多日相信大家都識背。而帶住4,000萬嫁妝準備嫁袁偉豪嘅準人妻日前就同阿媽去行超市,就嚟做人老婆嘅Bowie主力逗留喺食物區,揀咗有機湯又有黑蒜同埋果醬,全部放得落口,咁鍾意買嘢食,睇嚟袁偉豪都好有口福喎!採訪:梁志明



  39歲袁偉豪與28歲張寶兒拍拖三年,日前在社交平台公佈喜訊,將會拉埋天窗。張寶兒有個富爸爸,有朵「底褲大王」都知唔嘢少,張父早於去年五月已「預支」4,000萬嫁妝,畀囡囡及未來女婿作首期買入6,568.3萬元清水灣傲瀧超豪愛巢。未來老婆又叻又靚又有錢,難怪袁偉豪狂讚Bowie:「佢係我嘅幸運女神!」明㗎嘞!

  當晚8點,戴咗口罩,着得好簡單嘅張寶兒同媽媽去咗銅鑼灣時代廣場超市行街,兩母女一開始一齊行,然後分開行,分開行期間Bowie就係咁睇嘢食,唔係零食唔係鮮食,係一盒盒嘅有機盒裝雞湯及蔬菜湯,每盒盛惠45蚊,之後再睇可提高免疫力又可改善睡眠質素同改善便秘嘅獨子黑蒜,最後拎多樽果醬,揀完再會合阿媽一齊走。

其他文章
hd