首頁 日報娛樂

蘇麗珊開心同兒時偶像拍戲 黃又南透露Shine有合體機會

09/10/2020
■蘇麗珊見番兒時偶像黃又南好開心。
■蘇麗珊見番兒時偶像黃又南好開心。 (1/5)

  因為疫情影響,由黃又南及蘇麗珊主演嘅電影《冥通銀行特約:翻生爭霸戰》押後多月終於上映,原來小時候嘅蘇麗珊係Shine迷,今次同又南合作自然心心眼,仲話好想佢同天佑合體開演唱會添!雖然天佑曾說過:「No More Shine!」,不過又南竟話:「適合時間會有!」睇嚟有轉機喎!採訪:方騫平 化妝:Will Wong 髮型:Bart [email protected] Colpo group 服裝:SPORT b.(蘇麗珊)化妝、髮型:Henry [email protected] Hair Salon 服裝:O.N.S clothing (黃又南) 場地:partyland



  又南在戲中飾演廢青鬼,為盡快投胎而喺陰間發憤參加爭霸戰,其間跟靈媒蘇麗珊相遇,發展一段人鬼戀故事。演「神婆」嘅蘇麗珊諗番起都驚驚哋,因為場景有成約30枝蠟燭及神壇,玻璃樽又裝住玩具bb頭,有啲陰森恐怖感覺。又南最深刻係冇接觸感動戲:「因為我係鬼,兩個人觸碰唔到,唔會有埋身動作戲。」蘇麗珊笑說:「有啲嘢未發生先係最浪漫!」

  又南大讚蘇麗珊好吸引:「佢好得意,好似妹妹咁,我只有姐姐,成日想有個妹妹,我應該大佢好多。」蘇麗珊卻說:「最初圍讀時見到佢經已好粉絲,有啲緊張,唔夠膽介紹自己,好怕醜,我喺佢身上學到作為演員嘅專業態度。」又南表示近幾年可以再拍戲已好感恩,所以想再做得好啲,唔好令自己有遺憾。蘇麗珊最想Shine再開Show,又南態度變軟化冇否定合體機會:「認真講,我哋分開過又復合過,去年年頭又好似以前咁,因為冇乜火花,大家想停低落嚟。」又南又說總有合體一日,「不過暫時未係時候。」

其他文章
hd