首頁 日報娛樂

望集齊香港金像影帝 張達明恨同發哥合作

09/10/2020
■達明在疫情下亦更小心身體,「口罩一定戴啦!出街前一定去洗水間,唔去太多公眾洗水間,太多菌好危險㗎!」
■達明在疫情下亦更小心身體,「口罩一定戴啦!出街前一定去洗水間,唔去太多公眾洗水間,太多菌好危險㗎!」 (1/6)

  張達明早前憑電影《麥路人》,首次奪得金像獎「最佳男配角」,他坦言是個很大鼓勵,令他有信心多挑戰感性角色,更激起他向「最佳編劇」和「最佳男主角」獎項努力,他又笑指雖然經常跟發哥跑山,但更恨合作,因想集齊跟金像影帝合作的夢想。而達明在飲食和運動雙管齊下,只差8磅就回復患鼻咽癌前體重,他笑言要追近老友黃子華外形,不過疫情下會更加小心身體。  撰文:杜淑霞 攝影:李維隆 場地:富薈旺角酒店

  對於首度奪得男配角獎,達明直言事前完全估不到,「好開心,我都有一個咁嘅能力,做到一啲咁樣嘅角色。今次金像獎係好大鼓勵同埋推展,今次攞係男配角嘛!令我更加想爭取下一個金像獎係曾經全職嘅工作—編劇,我第一套嘅電影編劇,梁朝偉係主角嚟,就係《哥哥的情人》,咁我可唔可以爭取下一個金像獎係最佳編劇呢?或者我以前做開嘅最佳男主角呢?呢個係一個鼓勵,令我再向前挑戰,爭取呢兩個獎。」

  除了獎項上,達明更望集齊跟金像影帝合作,多年來原來只差一個,「發哥囉!金像獎影帝我一定合作過晒,係爭發哥未咋!我要集郵集埋發哥,睇吓集唔集到啦!金像獎第一屆影帝許冠文合作咗,到最近一屆太保,我同佢又啱啱合作埋,第一屆到新一屆都合作咗,係發哥未啫!呢個集郵對我好重要,我只係斟杯茶畀佢飲,咁樣一場都得啦!(你成日同佢跑山,有冇當面問佢?)講笑咁講,佢咪話食嘢唔好講嘢囉!」

  這天見達明,無論身型和氣色都更好,他坦承經過在飲食和運動方面的長期努力,現在已成功增了15磅,「我o依家仲有少少肚腩,最好將肚腩啲肉上番塊面度,我差8磅就回復正常,但係我隻手係瘦,8磅肉去番塊面同埋手就OK。(上鏡再靚仔啲!)係會年輕返啲。最近網上見到(黃)子華啱啱生日,染返啲黑頭髮好靚仔,我要追番上去㗎嘛!(要挑戰子華?)唔係淨係挑戰佢,好多靚仔喺度,咁我梗係要追番近啦!」

其他文章
hd