首頁 日報娛樂

為環保基金籌募發展經費 郭秀雲親自設計腕錶義賣

14/10/2020
■郭秀雲坦承現在有9成時間為基金會工作,但好享受為環保出力。
■郭秀雲坦承現在有9成時間為基金會工作,但好享受為環保出力。 (1/7)

  郭秀雲(Sharon)最近為擔任主席的「海峰環保教育基金」籌募發展保育教育項目經費,跟品牌攜手合作推出以非洲大象為主題的慈善限量版腕錶,作義賣籌款。她更身兼三職,除了做模特兒,更擔任腕錶設計師兼宣傳照的美術指導。她希望今次義賣腕錶有好成績,延續發展環保教育。  採訪:杜淑霞

  今次慈善限量版腕錶義賣活動,原來並非Sharon原構思,「本嚟舊年12月舉辦慈善晚會籌款,順便慶祝自己50歲生日,呢款腕錶係作為認購晚宴座席嘅禮物,但因為疫情搞唔到慈善晚宴,唯有用呢39隻錶嚟搞咗個義賣先,但係慈善晚宴我依然想搞㗎!可以大班朋友聚吓,但真係等疫情過去先諗啦!」

努力做好教育

  本身是藝術家的Sharon,為了籌款事事親力親為,今次更身兼三職,除了做模特兒,更擔任腕錶設計師兼宣傳照的美術指導,「我攞咗朋友一啲好靚嘅非洲大象相做參考,用咗12隻象嘅不同形態,前後花咗一個月就設計好,暫時只係得一款顏色,如果網上認購反應好,希望到時再推出另一款顏色啦!」

  至於選擇以大象為手錶主題,Sharon就解釋本身對大象保育一樣好關注,「我哋基金會嘅吉祥物都係象鯊,所以我對大象保育一樣咁重視,加上明年年底全面禁止象牙貿易就有機會正式立法,我想喺呢個關鍵時間提醒吓大家多啲關注,所以就決定用大象設計手錶嘅主題。」一直致力推動環保及拯救瀕危動物的Sharon,更計劃跟胞兄郭耀華製作紀錄片,主要放在網上,努力做好教育工作。

其他文章
hd