首頁 日報娛樂

單身多時隨時迎接愛情 AGA遇合適對象會一眼認出

23/10/2020
■AGA直言恨拍拖,但近年學識同自己獨處的她,又冇孤單感覺。
■AGA直言恨拍拖,但近年學識同自己獨處的她,又冇孤單感覺。 (1/6)

  AGA(江海迦)最近在疫境下推出全新大碟《So Called Love Song》,碟中有不同主題類型的情歌,總會有一首讓樂迷選擇。談到自己的愛情觀,AGA認為點題歌的自愛訊息,正正是她要尋找的愛情關係,單身多時的她相信遇到合適對象會一眼就認出。對於一再延期的紅館騷,令AGA更覺得世事無常,反而使她變得更積極,只要準備好自己,相信個騷總能舉行。 撰文:杜淑霞 攝影:李維隆

髮型:Gary Sun from [email protected] 化妝:Vanessa Wong 場地: 北京老家

  大碟點題歌《So Called Love Song》主題是講自愛,AGA認為這是愛情的基本,因要識自愛才懂得愛人。單身多時,隨時歡迎愛情到來的AGA坦言,遇到合適對象好容易知,「我覺得搵到就會知,我相信一拍即合,一遇到就會知,o依家我好清楚自己要啲咩嘅人。以前嘅我好怕悶,一定要搵朋友,人大咗之後識得同自己相處,學識咗冇以前咁容易會覺得孤獨。」

  至於擇偶條件,AGA覺得外形並不重要,最緊要大家溝通到,「對方要有自己生活態度,好有自己嘅諗法,要唔自私,至少心態上對社會有貢獻,我覺得遇到一個畀啲挑戰我嘅人,應該就係佢啦!溝通真係緊要過外形,我又唔係好睇外形,我覺得當一段愛情,溝通唔到距離感係最大,有人問過我介唔介意Long D,我唔介意,因為溝通到嘅話,嗰個人好近,搵到嗰個人必需要溝通到。」

  在疫情下AGA不單製作大碟有血有淚,連首個紅館騷都被迫延期,她知道一刻即化悲憤為食欲,跟家人大擦海鮮餐後,隨即積極投入工作,「一知道要改期,我就諗呢隻碟後面嘅歌應該點編排,我相信更多歌嘅話,個騷會愈精采,我相信終會有一日個騷會開到,帶一個更加精采rundown畀大家,答謝大家買我演唱會飛。」這次日子也令AGA想通了不少,「我年尾去咗澳洲,本身去兩個禮拜,結果滯留咗兩個月,我坐喺我家姐間屋度諗,其實今日係紅館開緊演唱會嘅日子,但係我坐咗喺澳洲度,好多嘢冇得控制,更要諗清楚自己想變成一個點樣嘅藝人,返香港後我變得好清晰,老土啲講嚟想製作更多音樂帶畀人正能量。」

其他文章
hd