首頁 日報娛樂

英國學霸落選港姐 賴彥妤恨入娛圈趁後生瞓身追夢

23/10/2020
■Vivienna為Karl投資的婚紗公司擔任「御用Model」。
■Vivienna為Karl投資的婚紗公司擔任「御用Model」。 (1/6)

  曾修讀法律的兩位前港姐麥明詩和朱千雪先後急流勇退,同樣法律系碩士畢業的25歲賴彥妤(Vivienna)卻偏偏舂入行,參加今屆以「逆市筍工」作主題的港姐競選,「雖然最終入唔到圍,但我都會喺呢行努力去試唔同嘅嘢,父母都好支持我。」講興趣唔講金的她坦言恨拍電影和劇集,並盼30歲前多作嘗試,會以麥明詩為奮鬥目標。採訪:黎寶倫 

化妝、髮型:Sara [email protected] 服裝:KIR ROYAL

  剛完成法律系碩士課程的「學霸」賴彥妤早前從英國回流參選港姐,雖然最終未能入圍爭奪「逆市筍工」,但塞翁失馬焉知非福,Vivienna不單止獲電視及電影公司招手、接下不少廣告Job,最近更獲形象指導許嘉浩(Karl)投資的婚紗公司睇中,以6位數邀請擔任「御用Model」。日前,她便現身門市為新一季晚裝影宣傳照,為了以最佳狀態示人,拍攝前Vivienna亦就地健身谷肌,「隔離14日期間都減咗2、3KG,但都要繼續減,因為嚟緊會有唔同拍攝,目標再減多5KG。」

  被外界稱為「選美控」的Vivienna,曾參加《2014中華才藝小姐(香港區)》、英國華裔小姐等,她直言恨入行,「我覺得落選未必會冇晒機會,反而好多前輩落選咗,佢哋嘅前途更光明。(以邊個做目標?)我想行麥明詩Style,因為我都讀法律,想向師姐學習。(但佢急流勇退喎!)可能呢個就係一個機會,我覺得有人走就有人加入,人棄我取反而係一個新機會。」問可覺得浪費了高學歷?Vivienna表示想趁後生追演藝夢,「試新嘢對我嚟講係開心事,自己做咗5年Model,都真係鍾意呢一行,所以想瞓身試吓,如果而家唔試,30歲後唔會再有機會。」

其他文章
hd